مــاذا تفعـــل في الحـــــــــالات التــــــــاليه....؟؟؟!!

[النورس الجريح]

[quote=ام فيصل;735329]

عندي اسئله ممكن تمر بحياتكم وابي الاجابه بكل صراحه

. . .

شتسوي اذا فاتك برنامجك المفضل ؟؟
أحاول أن لا أفوت الحلقة القادمة..هههههه

شتسوي اذا ما شبكت يوم كامل ؟؟
سوري لم أفهم المراد بالضبط

شتسوي اذا نفسيتك مو تمام ؟؟
أنفس عن طريق أشياء أجدها تخفف عني التوتر

شتسوي اذا تلقيت كلاما قاسيا من قريب ؟؟
أشعر بأن هنالك شيء خطأ في تصرفاتي والاّ لماذا يتكلم القريب عني هكذا

شتسوي اذا شفت حبايبك بعد مده طويله ؟؟
طبعاً آخذهم بالأحضان

شتسوي اذا شفت احد مو عاجبك ؟؟
أتجاهله

شتسوي اذا صار عيد ميلادك ؟؟
أستعد لأستقبال التهاني والتبريكات من أصدقائي

شتسوي اذا ما في احد في البيت ؟؟
شسوي عادي لأن اغلب الاوقات آني وحدي بالبيت

شتسوي اذا ما في انترنت ؟؟
أحس بفراغ كبير في حياتي

شتسوي اذا لقيت نفسك في وضع محرج ؟؟
أحاول أن أتلافاه بحيلة شرعية ههههههه

شتسوي اذا جوعان بس مو عاجبك الغدا ؟؟
أخرج لتناول الغداء في مطعم

شتسوي اذا ما نمت وصار فيك ارق ؟؟
أكيد راح أسهر أما مع القلم أو مع الكتاب

شتسوي اذا تحب ؟؟
أملة الدنية فرح وشموع مو آني عبد الحليم حافظ يكول هههههه

شتسوي اذا عصبت ؟؟
الصراحة أتفوه بكلام أندم عليه لاحقاً

شتسوي اذا مو عاجبك شي بهالدنيا ؟؟
ميصير هيج معنة هذا آني مراضي بقدر الله إذن اني مخطئ

يله جــاوبوا وبصــراحة
تحيات بكد نجوم السماء للمتألقة أم فيصل
النورس الجريح

[ام فيصل]

منور ياوائل
ولو انك لم تجب على الإسئلة بكل صراحة
ولكن لايهم
فوجودك شرف لي

مع تحياتي

[قرة العين]

شتسوي اذا فاتك برنامجك المفضل ؟؟

عادي ما اسوي شي لان اعرف راح ايعيدوه مره
ومرتين وتلاثه بجميع القنوات الفضائيه

شتسوي اذا ما شبكت يوم كامل ؟؟

اني لااشبك ولايشبكني لان اني ممقتنعه بالشات ولا بالدردشه بنوب
واذا جان عندي ايميل استخدمه علمود اسجل في المواقع اوالمنتديات
اكثر من هاي الصلاحيه مااكدر استخدمه
اما اذا ماشبك النت الانترنيت بجهازي فطبعاً اضوج كلش .

شتسوي اذا نفسيتك مو تمام ؟؟

والله اكوم ادعي واستغفر هواي
حتى ارتاح نفسياً.

شتسوي اذا تلقيت كلاما قاسيا من قريب ؟؟

والله تريدين الصراحه ابجي بسرعه لان عيوني ماشاء الله عليها كلش حساسه
من الزعل متصدك بسرعه تذرف الدموع بس احاول جاهده
انا ماابكي امام الشخص الي تلقيت منه الجرح
وما اخذ وانطي وياه بالكلام بس
احاول احسسه بكلام مختصر بجمله واحده حسب
الكلام الي هو وجهلياه حتى يفهم اني مضايقه منه كلش
وصعب اسامحه الا اذا هو بادر بالاعتذار وبوكته لكل حادث حديث.
ومرات يكون الاعتذار عليهم صعب اذا كان رجل
بس من خلال اسلوبه وتصرفه الندمان اليه راح ينشكف وراح احس بيها
واذا ما اعتذر بهالحالتين ويبس راسه فهو الخسران
وبمرور الايام راح انساه وارميه وراء ظهري وكأنه لم يكن في حياتي.

شتسوي اذا شفت حبايبك بعد مده طويله ؟؟

افرح كلش وعيوني تسبقهم بالبكاء قبل اللقاء بهم.

شتسوي اذا شفت احد مو عاجبك ؟؟

عادي ادير وجهي عنه وكأني لم ارى احد في
طريق وجهي وأكمل طريقي وهاي ضربه قويه بالنسبه له.

شتسوي اذا صار عيد ميلادك ؟؟

طبعاً افرح واحب الكل يشاركني بفرحتي

شتسوي اذا ما في احد في البيت ؟؟

عادي مراح اسوي شي راح انتظرهم لما يجون للبيت .

شتسوي اذا ما في انترنت ؟؟

مصيبه لان احنا اتعودنا على عالم الانترنيت
فصعب اذا ميكون ابيتي انترنيت.
واذا سافرت الى مكان اخر فأخذ معي اللابتوب ابو التفاحه
لان يسحب انترنيت من الاماكن الي فيها انترنيت بدون
ايصال شبكه له او الاشتراك بها

شتسوي اذا لقيت نفسك في وضع محرج ؟؟

طبعاً راح اخجل ووجهي راح يصير احمر
وحاول بسرعه اطلع نفسي من المكان او الوضع المحرج
لان اني مااتحمل هيج مواقف.

شتسوي اذا جوعان بس مو عاجبك الغدا ؟؟

اني الحمد لله كلشي يعجبني بس اكلة الطرشانه
متعجبني وهاي ممسويتها ابد
والحمد لله على اني مطالعه على بعض
من افراد اسرتي من هاي الناحيه.

شتسوي اذا ما نمت وصار فيك ارق ؟؟

ادوخ واعصابي تكون تعبانه فلازم انام حتى اتجنب من كل هاي الحالات لو شيصير حتى لو انكَلبت الدنيا ابيتي لان النوم سلطان .

شتسوي اذا تحب ؟؟

الحب انبل واطهر واجمل واغلى شي في الكون وهاي نعمه من الله
لازم نشكر الله عليها فالحب ياتي من القلب النظيف الذي لايحمل اي شؤائب
من الكره والبغض والحقد والحب متعدد في التسميات
فمثلاً حب الام الى اطفالها حب العائله حب الناس حب الحياة
حب الزوجه لزوجها او العكس ووووو الى اخرهُ.

شتسوي اذا عصبت ؟؟

احاول الزم اعصابي واتعامل بهدوء مع الطرف الاخر
لان الانسان اذا غضب اضاع ادبه مع الناس
وحتى لا تفعل وتقول ما يَشين فتكون محفوظاً مصوناً من الشر بإذن الله
فالمؤمن القوي هو الذي يملك نفسه عند الغضب .

شتسوي اذا مو عاجبك شي بهالدنيا ؟؟

والله احاول بالبدايه اغيره اذا كان هذا الشي قريب مني
واذا مكدرت اسلم امري لله والله الكفيل بعباده.

يله جــاوبوا وبصــراحة

جاوبنا بصراحه على اسئلتج الحلوه
وحابين هم نسمع منج الاجوبه على اسئلتج

ونشكرج ام فيصل على هاي الاسئله الحلوه والرائعه
تسلمين والله يعطيكِ العافيه
دمتي بود

[رحووووله]

]مرحبا بك أم فيصل

وهاذي أجوبتي بصراحه

. . .

شتسوي اذا فاتك برنامجك المفضل ؟؟
أركض أسأل عن إلي صار عشان أكون بالصوره و أعرف الجديد

شتسوي اذا ما شبكت يوم كامل ؟؟

ما فهمت قصدك

شتسوي اذا نفسيتك مو تمام ؟؟
أحاول أتذكر ناس أعزهم وأنسى

شتسوي اذا تلقيت كلاما قاسيا من قريب ؟؟
أعصب وأرد عليه(طبع مو حلو بس شو أسوي أحبه)

شتسوي اذا شفت حبايبك بعد مده طويله ؟؟

أجلس أسولف معهم وأعرف أخبارهم الجديده

شتسوي اذا شفت احد مو عاجبك ؟؟
اسلم طبيعي وأروح عنه بسرعه

شتسوي اذا صار عيد ميلادك ؟؟
يوم إبتسامتي ما تفارقني مهما صار

شتسوي اذا ما في احد في البيت ؟؟
أروح أرسم بكل بساطه لان الرسم يسليني

شتسوي اذا ما في انترنت ؟؟
أتضايق وخاصه ىإذا من زمان ما فتحته للضروف طبعا

شتسوي اذا لقيت نفسك في وضع محرج ؟؟
أقلب المسأله مسخره وضحك لاني ما أحب أوضح لأي مخلوق مواضع ضعفي

شتسوي اذا جوعان بس مو عاجبك الغدا ؟؟
أروح أنام

شتسوي اذا ما نمت وصار فيك ارق ؟؟
أسلي نفسي أتذكر إلي صار اليوم الماضي من مواقف عجبتني

شتسوي اذا تحب ؟؟
صراحه بعدني ما جربت
بس يمكن بسرح ويروح بالي بعيد كذا أسمع الناس تقول

شتسوي اذا عصبت ؟؟
ما أشوف إلي قدامي من العصبيه وأرمي حتى الأغراض إلي بإيدي

شتسوي اذا مو عاجبك شي بهالدنيا ؟؟
إذا ما أقدر أغير شي أحاول أقنع نفسي ولو بشي بسيط

هاذا بصراحه يالغاليه

[ام فيصل]

النورس الجريح
تحياتي لك عزيزي
ولمرورك وإجاباتك الصريحة
وشكرا للتفاعل عزيزي

[ام فيصل]

شكرا للمرور الكريم عزيزتي رحووولة
ودام لنا هذا التواجد
مودتي تسبق تحياتي

[امير الربيعي]

شتسوي اذا فاتك برنامجك المفضل ؟؟
اضوج وانتضر الاعاده اذا كان بيه اعاده


شتسوي اذا ما شبكت يوم كامل ؟؟
اضوج


شتسوي اذا نفسيتك مو تمام ؟؟
اروح اطلع مع اصدقائي ومن اجي الف راسي وانام


شتسوي اذا تلقيت كلاما قاسيا من قريب ؟؟
الصراحه اضوج واني اضوج من هيج نفسات ضعيفه وهذا الشي غلط



شتسوي اذا شفت حبايبك بعد مده طويله ؟؟
الصراحه افرح


شتسوي اذا شفت احد مو عاجبك ؟؟




شتسوي اذا صار عيد ميلادك ؟؟
افرح كثيرا


شتسوي اذا ما في احد في البيت ؟؟
اضوج من الوحدانيه


شتسوي اذا ما في انترنت ؟؟
اضوج اذا مافي انترنيت لان هو الوسيله الوحديه للترفيه


شتسوي اذا لقيت نفسك في وضع محرج ؟؟



شتسوي اذا جوعان بس مو عاجبك الغدا ؟؟
اروح للمطعم هع


شتسوي اذا ما نمت وصار فيك ارق ؟؟



شتسوي اذا تحب ؟؟


شتسوي اذا عصبت ؟؟
اضوج


شتسوي اذا مو عاجبك شي بهالدنيا ؟؟
اضوج من شي مو عاجبني في الدنيا
شكرا على الموضوع ام فيصل

[ابو الطيبات]

شتسوي اذا فاتك برنامجك المفضل ؟؟

احاول اشوف التكرار

شتسوي اذا ما شبكت يوم كامل ؟؟

ههههههههههه ولله مثل البقية مافهمت اختي عذريني

شتسوي اذا نفسيتك مو تمام ؟؟

راح اكلم اعز ناس الي
و الحمد الله عمره ماقصر

شتسوي اذا تلقيت كلاما قاسيا من قريب ؟؟

الصراحة راح اتأذي هوااااااااي بس بعدين احاول ابررله الموقفه
ههههههههه مالي حل ثاني

شتسوي اذا شفت حبايبك بعد مده طويله ؟؟

ولله شعور لا يوصف
الله لا يحرمنه من هذه اليوم

شتسوي اذا شفت احد مو عاجبك ؟؟

عادي
بس اني من نوع الي اذا ماعجني احد راح افهمه و ابطريقتي الخاصة

شتسوي اذا صار عيد ميلادك ؟؟

اني كل سنة في عيد ميلادي عازم اصدقائي على عشاء بس طبعا هذه كله من عمرنه وان شاءالله ما ظيعنا ابلاش

شتسوي اذا ما في احد في البيت ؟؟

يعني شنو اسوي نفس ما احد كان في البيت
ما اسوي وكاحة هههههههه

شتسوي اذا ما في انترنت ؟؟

الصراحة النت مو شي واجب عندي
راح التحي في مواضيع ثانية

شتسوي اذا لقيت نفسك في وضع محرج ؟؟

ولله مواقف المحرجة هواي
هههههههه
خليه مظمومة
لا ننفضح

شتسوي اذا جوعان بس مو عاجبك الغدا ؟؟

راح اطلب اكل من برة

شتسوي اذا ما نمت وصار فيك ارق ؟؟

النت أو التلفاز أو الكتاب ويمكن راح اطلع برة اسوي لي فرة و ارجع
بلكت انعس

شتسوي اذا تحب ؟؟

كل حب و احترام الى الذي أحب

شتسوي اذا عصبت ؟؟

أني هواي عصبي و طبعا ابهذي الخصوميه ما امدمر أحد أكثر من نفسي
احاول اتمالك اعصابي و اخرج علمود الموضوع ما يكبر

شتسوي اذا مو عاجبك شي بهالدنيا ؟؟

ادور الي شي يخليني ما ايأس من الحياة
والله بالناس لروؤف رحيم

شكرا أختي العزيزة على ابداعاتك
اتمنى لك التوفيق يا أختي الغالية