مطارده شعريه بالدارمي .........

[حيدر القريشي]

فاركت حبي اليوم بالحسره والاه
وما اظن بعد بالطيف اتلاكه وياه

تحياتي وحرف الهاء

[امير الاحزان:]

هم انت هم اهموم يا ساعة البين
فاركني يبن الناس وارجعلي بعدين
النون:وسلامتكم

[بنت البصرة الفيحاء]

ناسي ونسيت الناس بس مانسيتك
ولو غبت عن العين بالدم لكيتك
حرف الكاف

[سلام الدراجي]

كرخ ورصافه بليل ومنوره بغداد

لابد تره تنعاد كل ذيچ الأمجاد

[بنت البصرة الفيحاء]

دلوني دربه اشلون لازم اشوفه
للدوم اضن للموت لا ما اعوفه

حرف الهاء
وتحياتي

[سامي المشكور]

ماتدري كلبي عليك شكد تمرمر
حتى سواد العين موبس دمع خر

[سلام الدراجي]

حرف الهاء

ها ولك وين تريد مو كلبي خلصان
كله بسبب فراكاك وانه ابو الاسنان

[بنت البصرة الفيحاء]

نارك يخايب ماي مومثل نـــاري
اومن يطري بيا الشوق يحترق جاري

حرف الياء
وسلامتكم