يومياتكم::::::::: الدعوة عااااااااااااااامة الكل يشارك

اخ حيدر
اشكر مرورك القيم تمنياتي لك بالتوفيق

السلام عليكم
اليوم اصبح كعدت الساعه الثامنه صباحا
وذهبت الى الدوام بلدوام كان هناك بعض المشاكل والعطلات التي مطلوب مني علاجه
صدك نسيت اكول اني مهنتي الكهرباء وعندي شهاده بلكهرباء عراقيه دبلوم وعندي شهدتين خبره ايطاليه بلكهرباء ومتدرب لمدة سنتين مع شركه ايطاليه على الكهرباء
الحاصل فباشرت في معالجة العطلات الكهربائيه وحليت الحمد لله الكثير منها ولكن وانا في معالجتي لاخر عطل انتلت نتله رجتني رج لان سهوت قليلا عنها
والله ستر هل المره مجرد حرق بيسيط في اصابع يدي
ورجعت للبيت بعد ما داويت اصابعي يم المضمد في الدائره مالتنه والحمد لله بسيطه
كعدت اشويه ويه الحجيه وسولفت الها المقتل كله
وكالت اليه شوف متفيدك لا شهاده ولا شي بس الله الستار من الكهرباء لان مولعبه وطبعا فتحت موضوع الزواج ونهزمت منها هزيمه
وبعدين شاركت كم مشاركه في المنتدى وراها حطيت راسي ونمت ما كعدت الى اذان المغرب توضيت وصليت وتفطرت واليوم وره الفطور ماطلعت الى اي مكان وهسه اني دا اشارك بموضوع الاخت المهاجره
وشكرا الك اخت المهاجره على الموضوع الحلو
تحياتي

شكرا لمشاركتك الحلوة ويارب يقر عين امك فيك ويهنيك والحمد لله على السلامة

طبعاً من زمان شفت الموضوع ماادري السبب الي خلاني ما أشارك لحد اليوم بالرغم من اني احب مثل هذي المواضيع على العموم نبدي بأول اليوم
الساعه 8 صباحاً أصحى من النوم طبعاً دوامنه بدي الساعه 8 بس المدير حباب خوش ولد واصلاً هوه يجي متأخر هههههههه عني متفاهمين ويا
صحح يوم العمل طويل لكن عدنا بالبنك ما نحس بالوقت لأن كل يوم نشوف ناس من مختلف الفئات والثقافات والانواع يعني من مسؤولين كبار بالدوله الى ابسط ناس ومن اميين الى اساتذة جامعات واطباء
اكو أييام تحصل مشاكل بس الحمد لله نكدر نتجاوزه اقصد بالشغل طبعاً ..
هالاام نطلع الساعه 1 الظهر اوصل للبيت اول شي أصلي وبالعاده أنام او ساعه او ساعتين ومن أكعد من النوم أفتح النت اشوف شكو ماكو وممكن اطلع يم بيتنا بس برمضان ما اروح بعيد بس يوم الخميس نفطر خارج البيت
قبل الفطور أقرأ قرءان لان عندي ختمه اليوم أبد بالجزء 23 يعني مبقه شي من نفطر بعدها اصلي طبعاً مو دائما نفس الشي او بالبيت او بالجامع القريب من بتنا..
ارجع اشوف مسلسل اعلان حالة حب بس هذا الي متابعه من كل المسلسلات وبعد مسلسل ليلى الجزء الثاني على قناة ابو ضبي
بعدين أو نطلع للسوق لو ابقى على النت لوقت متأخر على فكره كل يوم أتسحر الساعه 11 بالليل هههههههه لان من انام واكعد مستحيل اكدر اكل شي بس اخلي يمي مي أشرب.
للآذان أكعد أصلي وبعد نص ساعه ارجع انام ايظا للساعه 8 الصبح


تقريباً هذا ملخص لليوم الرمضاني وياي

تحياتي لكم وشكراً للمهاجره على مواضيعها اللطيفه جداً




ديــــــار