000لقاء000
انه اريد امرن عالولف00 بلكي يحن اكَليبه
ويشوفني ذاك انه الوفي المانسه خله وطيبه
مريت وكَليبي حذف دكَاته فوكَ الميه
اعضاي كَامت ترتعش كل حيل ما ضل بيه
حته الجدم مني اختلف من شفته صد ليه
الساني انعكَد وتحيرت منه خذتني الهيبه
صد ليه بعيون الزعل مثلي اتخربط لونه
واصلصله من عندي حجي اني اعرفت مضمونه
كَتله ترى من اهل الرده غايتهم ايخربونه
خل نكَعد ونبدي العتب والحكم انته التجيبه
خلي الحكم ياهو النقل مني الك ساماتي
حته اتعرف وين الصدكَ يالحرمت لذاتي
هذا الوكت لهل الشغب سوكَ الربح ياغاتي
راح الوفه ويهل الوفه وضلت اهالي الغيبه
حس وعترفلي ابغلطته من شافني وافيته
ماهمه كل ذاك الجفه انه اعتنيت البيته
حبنه انضرب بيه المثل ماي ابصحن باريته
خايف عليه لا ينجفي مااخلي نكَبه اتصيبه
صافحني وانه استبشرت حطيت ايدي ابأيده
وذراعه حطهه ابركَبتي وذراعي طوكَ جيده
تباوسنه ودموع الفرح تمطر ابلا رعيده
غم رايه من راد الغدر ماطولت هالغيبه
انه ارد امرن عالولف بالكي يحن اكَليبه
ويشوفني ذاك انه الوفي الما نسه خله اوطيبه
الى الغاليه000