المليون دارمي .. تنفرد فيها منتديات الفرات

[هدار سامي شياع المنصوري]

ارد انشد العشاكَ الهم دره ابهاي
اشمعنه كَلبي ايفور من اشرب الماي

[هدار سامي شياع المنصوري]

لا تسأل العشاكَ الهم دره ابهاي
كَلب اليوجه الشوكَ ماينطفي ابماي

[هدار سامي شياع المنصوري]

مافاده كَلبي الماي من شبت النار
بس ولفي اليطفيه لو عاود الدار

[هدار سامي شياع المنصوري]

شنهي الدوه الموصوف للولفه جافي
اصبر وتاني ايعود لومنه كافي

[هدار سامي شياع المنصوري]

الكَلب كَال ارجاه كَتله ارجه ربك
الي جفاك اليوم باجر يحبك

[هدار سامي شياع المنصوري]

كَلي شيغمض العين ليله انه ورتاح
والولف عند الغير طاير بليه جناح

[هدار سامي شياع المنصوري]

صح عدل لاكن ميت هذا انه حالي
سل عودي ياهالناس جور الليالي

[هدار سامي شياع المنصوري]

عمده ارد امر للدار وسجد للتراب
ورسم ابدمع العين تمثال الاحباب