المليون دارمي .. تنفرد فيها منتديات الفرات

[الكناري يونس الجبوري]

سكته ونشدت اعليك تدري آنا مكتول
شلون القتيل يصير قاتل ومجهول

[ام فيصل]

ضيم وقهر وفراگ گلبي شيظل بيه

گلبي اليموت عليك هم فكرت بيه

وين وصل العدد يايونس ؟
ماوصل المليون ههههههههه
الله يهداك جان سويته 1000

[الكناري يونس الجبوري]

هلا ام فيصل صبر الله وصبرچ ههههههههه
لاتستعجلين علينا
چنت متحزم بحزام قوي عبالي يصير تفاعل
وتقريبا خذلوني الربع
ميهم البركه بيچ وباللي يمرون


مليون الك بالروح من هاي الاشعار
گلبي اليغار اعليك من كلمه ينهار

[ام فيصل]

انت العطش والماي وانت المشوفه
ورسمك وحق عيناك بالكاس أشوفه

[الكناري يونس الجبوري]

غيرك ابد ما اريد من ربــــي يهواي
شوفك لروحي العيد ولو اعطش الماي

[ام فيصل]

عطّاب أشم بالبيت گمت آنه أدوّر

ثاري أبدليلي النار بركان يفوّر

[الكناري يونس الجبوري]

لو غفت عينك زين عيني تباريك
ون شافتك بردان خلهـــــا تغطيك

[ام فيصل]

لو تدري شنهو ألصار بيّة و جرالي

من فرگتك إبليس يبچي اعلة حالي