المليون دارمي .. تنفرد فيها منتديات الفرات

[ام فيصل]

حـط باللبن تيــزاب مجبـور أشربـه
بس لا أشوفك يوم تمشي ويه غربـــه

[الكناري يونس الجبوري]

ما ابدل آنا هواي لو موتاني
ابقى لاجل عيناه صابر واتاني

[ام فيصل]

لو متت من الشوك عن موتي مسؤول


متولعه بيك الروح بس تستحي تكول

[الكناري يونس الجبوري]

ابقى لاجل عيناه متوسد ايدي
ولو غمضتلي عين يجري بوريدي

[ام فيصل]

نذرك ياسيد دخيل نوط أبو الميه

من أفز والكًًه إهواي غافي إعله اديه

[الكناري يونس الجبوري]

عمد ارد ادش الدار واحرگ اهلها
وآخذ عشير الروح بس هو خلها

[ام فيصل]

اجمل صباح اليوم وبعمري بس هاي
شلت الغطه وفزيت لن عيني بهواي

[الكناري يونس الجبوري]

بتوقيعي فراشات وياهن گلوب
ولو يذبحوني بسيف عن ولفي ما اتوب