المليون دارمي .. تنفرد فيها منتديات الفرات

[الكناري يونس الجبوري]

مرات اگول ارتاح يا گلبي حلوه
هذا التحبها حيل ثاريها بلوى


ههههههه طلعت هالشكل بالارتجال

[الكناري يونس الجبوري]

ليش الاحبها بنوب ما تنطي اعذار
وكلما اجيها بشوگ تضربني مسمار



هههههههههه هم طلعت عفويه

[الكناري يونس الجبوري]

ياناس احبها حيل يا ناس احبها
واتمنى روحي تصير شمعه لدربها

[ام فيصل]

أتمنى كون أيصيرلحدي ويه لحدك
أو من يطلع الدفان أكعد وكعـــدك

[الكناري يونس الجبوري]

اتمنى كون يصير راسك براسي
وكلساع اگلك جيت خاف انته ناسي

ذكرتينا بالتمني يا ام فيصل وما اكثر الامنيات
فشكرا لك على التواصل المستمر
لاتحرمينا اطلالتك المشرقه
تحيتي لك

[ام فيصل]

سبحان من خلاك تقسي ابغرامك
جانك اتداوي جروح رقة كلامك

[الكناري يونس الجبوري]

اتمنى روحي تصير شرطي وتحبسك
وكل لحظه كل مشوار تقدملي نفسك

[الكناري يونس الجبوري]

اتمنى عندي عيون بدون المناظر
وعمري يرد عشرين وتگلي حاضر