المليون دارمي .. تنفرد فيها منتديات الفرات

بعد وجفى وهموم يوم اردى من يوم
وعـيني عـلى فـراقـك ماذاقـت النوم

[الامير العراقي]

سـلـم ولَو بالعين تكفي الإشــــاره
روحي إبتلت بهواك .. سـويلي جـاره

[الامير العراقي]

أرد اسأل العراف واهل القوافـي
ليش الحجاب إيلوق للوجه صافي

[الامير العراقي]

شفت الضوه إمن إبعـيد كًًلت إحتركًًنه
لمـن وصلت البيت لن ولفي عدنــه

[الامير العراقي]

حطيتك بسرداب وفوقه متر صـب
اصبح الواشي وياك من ياكتر طب

[الامير العراقي]

وينه اليخَيـطْ العين ويفكني منهـــا
كل ما تصد للدار يكثر حزنــــها

[الامير العراقي]

لو غبت عني الروح احسبها شده
واحرق ابدمع العين حتى المخده

[الامير العراقي]

بالك تمر بالدار عنها أشمر ابعــيد
دار العزيز اهواي نوح أوبجي اتريد