مطارده شعريه بالدارمي .........

[سلام الدراجي]

ياكلبي ياتوفيق داريهه للروح
ولا تحب غيري اياك وتزيد الجروح

[حيدر القريشي]

حس بيه يا ابن الناس مو عذبتني
كَطعت كل احشاني وحيل المتني

[سلام الدراجي]

ياحيدر الخيرات والله اودك
من غبت حد اليوم عذبني بعدك

[twfeek]

يرفض سلام أهواك
عن كلبي يمشــــــــــي
وجماله طب ويــــاه
حب القريشـــــــــــــــي


توفــــــــــــــيق

[حيدر القريشي]

يا خويه يا توفيق ان اعشكَ اسمه
واعشق تراب الكَاع لو لمس جذمه

[twfeek]

الاخوان سلام وحيدر العزيزان
الدارمي السابق كان جواب للاخ حيدر لكن الاخ
سلام سبقني...اما الان جوابي للاخ سلام والذي ارجو منه تنظيم الخربطه الي حصلت

كـَثر شعندك كاف
وألغيها الحروف
شما زادت الكافات
حبك فلا أعوف

توفيـــــــــــق

[سلام الدراجي]

هاخوتي انتو اثنين بس انه وحدي
حيدر يحب توفيق وهذا انه ردي

[twfeek]

يقبل دليلي أثنين
ألحبهم يفوض
لو عنه الاول غاب
ألثاني يعوض


توفيــــــــــــــــق