المليون دارمي .. تنفرد فيها منتديات الفرات

يرجع عراق الخير ندعيله كلنه
ونجتمع كلنه هناك شيعه ويسنه

[فراتيه انا]

جار البيوت ايشيل ويمكن يسافر
بس انته جار الروح وبالگلب صاير .

بيضه وتعبت عليك الحد ما صرت طير
وعلمتك المطيار وتحط على الغير

[الامير العراقي]

انته اغلى كل الناس حتى اغلى مني
تستاهل انته الروح وعيوني ذني

[الامير العراقي]

مهما تريد اتغيب بعيوني اشوفك
كَمره انته واهلالين واشلون اعوفك

[ام فيصل]

مثل السمج علگاع خلتني دنياي

لا مشوي لا مطبوخ لا واصل الماي

[ام فيصل]

تدري آني شعري سهام لو صوبيتك

من كلبي هذا أحساس تفهمني ريتك

[الامير العراقي]

لك لو مو ترش الدرب تيزاب لو تزرع ألغام لخلي اللحم طشار واوصللك عظام