مطارده شعريه بالدارمي .........

[بنت البصرة الفيحاء]

مشتاكة روحي اليوم تسمع حجيكم
بس الظروف اهواي تمنعني اجيكم

[حيدر القريشي]

مو مثلي لا والله ان اشوق الكم
صرتو انتو نور العين والكَلب يمكم

حيدر القريشي

[بنت البصرة الفيحاء]

مل مني حته الليل
والگمر شاهد
بس بيك افكر دوم
للفجر گاعد

[حيدر القريشي]

دعبل وتوكي اليوم يلعب حبيبي
سلمت بيده الروح صاحالي بيبي


حيدر القريشي

[امير الربيعي]

ياكلبي اكطعك زين وانثر ملح بيك
شمالك تهم ضليت بالما يهم بيــك
:
تحياتي امير الربيعي

[سلام الدراجي]

كلمن سال عني والله انه مرتاح
وبفضل دعواكم ما ضلت اجراح

[الوردة الجورية]

يحله العشك وياك و تحله المشاعر *** ومصدكه هيه الروح عاشكه شاعر


تحياتي للجميع
الوردة الجورية

[حيدر القريشي]

حنيت الك حنيت والله يغالي
ومن غيبتك يا زين مره الليالي

منور يا معلم ( على كولة المصريين )
والف الحمد لله على سلامتك يا طيب