استراحة الشعر والشعراء وكل احباب الشعر الشعبي ترحب بكم احبتي

[ابو نرجس الحلي]

الى طيبة النجف مع ارق تحيه
.........................................
ياصاح عودي ذبل بالهم اصبح وامس
وكلما يمر ليـــــل افزع لشوفك امس
ولفي لون عاد .....ولطرف منه امس
جا طابت الروح والهم خلص وانته
اذيت كلبي شكثر وانت سبب وانته
بس انا اذكرك واسولف بيك وانتـــــه
بذات يهواي ونسيت كعدات امس
بقلمي..........المتواضع

[طيبة النجف]

مو كلمن يهملك يعني ناسيك..
ولا كلمن يذكرك يعني يهواك؟؟
أكو وياك كاعد كلبه لبعيد..
وأكو من أبعيد كاعد كلبه وياك؟؟

[طيبة النجف]

من شفت شعرك شفت بيه الجمال
ردت اشوفك حتى اريح ضنوني
من درت وجهك علي وتبسميت
شكر من خدك طفر بعيوني

[طيبة النجف]

تدري سبب ليش عليك ما انشد
لانك سلوت دليلي ورسمك بعيني
وبس يغمض جفنها الك اشتاك٠
وانت بكل صلافة تكلي ناسيني

[محمود شاكر الهلالي]

كل شاعر اله باشعاره مقياس

يتميز طبيعي بروعة اسلوبه

وهنانه تميز شفت واحساس

عرفته مرتبط باحساس طيوبه

00000000000

تحياتي لك طيوبه

[طيبة النجف]

انة الحزت الصبر والصبر حزني
والف وسفة اعلة سيف الظلم حزني
البحر البيض لون يلفيه حزني
يصير اسود بلون اليل مية


شكرا ايها المبدع محمود
دام لنا هذا التواصل غالي

[طيبة النجف]

ابد مايوم من همك خليتان
وبعد خل ينتظر قلبي خليتان
اخبرك بالجسد ظلن خليتان
الك وحدة اوهبتهة وحدة لية

[جــبروت رجــل]

يغم وكتي عله حبلك منشراني
بعتني بسوك غدرك منشراني
اذا صاج انت جفك منشراني
وحك ربك اكطعه العال بيه