مطارده شعريه بالدارمي .........

[امير الربيعي]

هاك اخذ ماي العين وياك تذكار
فدوة الك هاي الروح وضلوعي الكَصار

[خالد الفهداوي]

ريتك مرض وتصير مابين الضلوع
وبجسمي تبقى دوم ماتشفة بسبوع

[امير الربيعي]

عذبني گلبي عليك ماادري شيريد

گمت انه اشوفك گمر والباقي تقليد

[خالد الفهداوي]

دك بابي انه ارجوك مشتاق اشوفك
محتاج اسولف بيك واكتب حروفك

[محتاره]

كون الجمال البيك
أتمنه بيه
حته آنه من اشتاگـ
أصفن عليه

[حيدر القريشي]

هيج التحبه الروح يبعد عليه
داينته الف دينار رجعلي ميه

( شكد بذات ) ههههههه
حيدر القريشي
وتحياتي الكم

[محتاره]

هاك اخذ كلشي تريد كلشي اخذ هاك

هو العمر فلسين يسوه بلياك

[حيدر القريشي]

كل عمري الك افديه ويرخص لاجلك
هو العمر شيفيد لو ما رخصلك

حيدر القريشي