ياحلو الاطباع واصلني وقارب

[مرام سامي]

ياحلو الاطباع واصلني وقارب

ماعندي اهل غيرك وقارب

سفينة بالبحر ردتك وقارب

تشيل الحمل من يثكل عليه


عجبني هذا البيت الابوذية ونقلته لكم

سلامي وتحياتي

[هدار سامي شياع المنصوري]

سفينة نوح اصيرنلك وقرباك
وصيرن اهلك الضاعو وقرباك
بسمك حَلَفت كَلبي وقربيك
عكَب ماهاج رد اوسكن بيه

[عادل المنصوري]

حملج يامرام اوياي نصفيه
لو شيلي الثلث هم عدل نص فيه ( للرجل مثل حق الانثيين )
التعنه اوجاج خَف الثكَل نصفيه
ابضحكه وطفي نيرانه السريه

[مرام سامي]

تسلم وتعيش ياهدار على هذا الرد الرائع
ولك مني اغلى سلام
تحياتي

[مرام سامي]

الله, تعيش وتسلم على هذا الرد الرائع ياعادل المنصوري
ولك مني اجمل وارق سلام
تحياتي

[ابو فاطم]

شلت حملين والثالث حملكم
وعلى إلي راد اذيتكم حِمة إلكم
أسد كلبي واشو صاير حملكم
ولجل عينج " مرام " احمل أذية

[شاكر الهلالي]

مرار شكثر من دهري حملتاه

حمل ذبني وحمل باقي حمل تاه

نتعاون بالذي همچ حملتيه

يخف لو صار بالقسمه سويه

تحياتي لك اختي العزيزه مرام

وتقبلي مداخلتي 0

[مرام سامي]

الله يا foraten.net/?foraten.net/?foraten.net/?foraten.net/? السالم على هذا البيت الابوذية الرائع
ولك الف شكر على مرورك ومداخلتك الجميلة
ولك مني اجمل وارق سلام