في ملعب الحب

[عباس الفرطوسي]

يدنيه وياي مو دنيه بلى انتي / بلاء
وسؤالچ ياهو أخذ عقلك ؟ بلى انتي /نعم انتي
شمعنى وياي كل ساعه بلنتي / ضربة جزاء
أصد شلون وانتي مشبگه أديه

القصـــــــــيده
لعبنه وصفگ الجمهور للكاس
وبالوقت الأضافي شبيچ خنتي
لاساحة فريقي ولا ألي الناس
بس آنه العبت ضد جور وكتي
ما عندي أحتياط وجرحي حساس
مصيوب بسهم والصايب أنتي
ويگولون اللعب مو هوه مقياس
أفوز أخسر ولا تنزل دمعتي
چم أنذار الچ أنكسر وانجاس
وانذارات الچ شكبان شلتي
أمنّت بالمرمى ما خليت حراس
غشيم تفرهدت وانتي اللي بعتي
مراقب خطنه ظل يلطم على الراس
تسلل گال موش بگلبه چنتي
أنكتل بيد الحكم وانحسم هالداس
وباركلچ يحلوه وگال فزتي
وتالي بورقه حمره أنطرد ( عباس )
وانطاچ الحكم گول وبلنتي ....

[هد250]

الله بديع ورائع هذا
المعنى ويقولون المعنى في قلب
الشاعر تحياتي
وامنياتي بالموفقيه
والتالق

[عباس الفرطوسي]

الله بديع ورائع هذا

المعنى ويقولون المعنى في قلب
الشاعر تحياتي
وامنياتي بالموفقيه

والتالق

شكرا لكي عزيزتي نورتي متصفحي .. حياك الله

[الشيخ ابوحيدر]

السلام عليكم
عباس خويه انت مبدع غصبن على
اليرضه والمايرضه وضعت صوره جميله
وبدءت بحياكه قصيده رائعه ولها من المعاني
مايطربلها القلب فلك ولصورة مارسمت
كل التحايا وتقبل مروري المتواضع في صفحتك
الجميله تحياتي

[الكناري يونس الجبوري]

قريت آنا القصيــــده حــروف عباس
وردت اكتبلـــــه لكن ضــــــاق وقتي

الزمن صايــــر معانا هــواي حساس
خطف مني اخــــــوي وماتـــت اختي

وهموم الســــاحه كلها تـدوخ الراس
على بختــــك هضيمــــه يموت بختي



اخوي الغالي عباس الفرطوسي صح لسانك يالغالي
ارتجلت لعيونك قصيده سانزلها فورا تحت عنوان
قريت آنا القصيده حروف عباس
ارجو ان تنال رضاكم مع فائق التقدير والاحترام
وتحيتي لك

[عباس الفرطوسي]

السلام عليكم

عباس خويه انت مبدع غصبن على
اليرضه والمايرضه وضعت صوره جميله
وبدءت بحياكه قصيده رائعه ولها من المعاني
مايطربلها القلب فلك ولصورة مارسمت
كل التحايا وتقبل مروري المتواضع في صفحتك

الجميله تحياتي

شيخنا العزيز كلامك وسام وشهاده كبيره من شاعر ومبدع وقلتها واكررها مراراً انا اصغر هاوي شعر بينكم .. دام الله لي هذه الردود الجميله الفطريه النابعه من صدق الاحساس

[عباس الفرطوسي]

قريت آنا القصيــــده حــروف عباس
وردت اكتبلـــــه لكن ضــــــاق وقتي

الزمن صايــــر معانا هــواي حساس
خطف مني اخــــــوي وماتـــت اختي

وهموم الســــاحه كلها تـدوخ الراس
على بختــــك هضيمــــه يموت بختي

اخوي الغالي عباس الفرطوسي صح لسانك يالغالي
ارتجلت لعيونك قصيده سانزلها فورا تحت عنوان
قريت آنا القصيده حروف عباس
ارجو ان تنال رضاكم مع فائق التقدير والاحترام

وتحيتي لك

حبيبي يونس
كل مايبدر منكم فهو جميل ... شكرا لك ولجميل ابياتك .. من قلبي ادعولك بالتوفيق

[سهام الهلالي]

شكرا لك شاعرنا الكبير
عالقصيده الحلوه الرائعه
بما حملت من معاني وآهات