وزلال الماي يخجل من زلالك
ياصافي وعذب كل لوله مابيك
نجوم اليل خجلن من جمـــــالك
يالطولك نهروجروف مابيك
شلون الـﮕيش للمتعني اجالك
ياكلش ترف لاﮒ الدلالل عليك
وحتـــى الورد غاير من دلالك
ضوه السبعين ﮔمره ومن يضاهيك
ويــــــــــاهو اليـﮕدر يطفي شتعالك
تهيالي طفل وبأيدي امشيـــك
وﮔود الروح وحرسها بخيالك
لضمت دموع عيني ﮔـلاده بس ليك
وﮔـــــــــلت مبروك يالغالي حتفالك
مشتهيه الوصل والروح تربيك
دمع عيني نشف من جف وصالك
ولك بسك تعال اليمته اتنيك
انه اتنفس يخايب من خلالك
تشح بالوصل عمداً وانه ادريك
عـطش صيام وتنطـر هـلالك
خلصت بس زعل كساع ارضيك
وتصدﮒ احـﭽاية الواشي الوشالك
وتلاﮔيني بقساوه من الاﮔيك
وتـتافف اذا ﮔـلبي شتكـالـك
تتذكرزمانك من غدر بيك
انه اطوعت صرت ابدالك
تاليها منـﮕول شبيك مابيك
تـﮕلي مااريد اسمع سؤالك
عل هونك تعال وخل احاﭽيك
وسـولـفلك الـمامر عـلَ بـالك
تهت من زغرسني وتيهت بيك
وﮔلبي بليل فز مني وجالك
لاﮔتله هله ولامرحباً بيك
ولافديوم تتلـﮕاه شمالك
اريد اتهدل والطم وبـﭼيك
وعساك بضيم ﮔلبي تهيالك
وروحن للجوامع وندعي عليك
وريد مــنالله مــايرتاح بــالك
روح وداعت الله كون يهديك
ويكونك تذكر ايامي ودلالك
وتبـﭽي وتنتحب وتريد امربيك
ابد والله لا يمر عــلَ بـالـــــــك
بعتك ونتهـت مـابعد اشـريك
وﮔص الـﮕلب لورد ونحنالك
لأن كلك عوج كل عدل مابيك
مـــــن ﮔلبي نـشلع كله خـيالك
5|11|2010
بقلمي الشيخ
ابوحيدر الشويلي
رد: ما اشوفك
رد مع اقتباس