يالحلوه جيتچ اعترف

[الكناري يونس الجبوري]

[QUOTE=الشيخ ابوحيدر;990828][quote=الكناري يونس الجبوري;990743]

الاخ الغالي ابو حيدر
لاتستغرب من اخوك يونس الجبوري عندما يكتب لانه عراقي والعراق زاخر بالالوان الشعريه وحتى طفلنا بالعراق ماشاء الله يكتب الشعر فما بالك بشاب مثلي على مشارف القرن من العمر
وراح ارتجل لعيونك هنا شئ والله وانا وحظي

شفت الحبيبه اليوم تخزرني خزر
وانا يبو حيدر گاعد انتظر
گالتلي ايش تريد مني يالبدر
گلتلها لا جيت اعتذر
جيبي ايدچ خلي اشمها

وجيبي طولچ خلي اضمه
وصاحت الحگيلي يمه
شجاك يا يونس علينا
هيجت نيران بينا
وآآه منك يمه يمه
يلاا گول شرايد احچي واختصر
گلت لا خاف الهلالي ينتحر
من يشوف الموت غافي بالصدر
گالت اسكت عاد يا يونس كفاك
وانت ابو حيدر على يونس شجاك
هذا روحه الغزل ما عنده صبر

ان شاء الله تعجبك يابو حيدر وتراني تحرشت بشاكر الهلالي

يقول الشيخ
وانا ارتجل هاي القصيده وبيه رايدانتحر

من شفت انه الحبيبه الغنت بلايه وتر

أخ ياطور الشماته اليعزف بلايه وتر

وأخ يانغمه حزينه السولفت جفت نهر

واخ ياكلمة حبيبي مغلفه بطبع الغدر

واخ يالخلصتي وكتج بالمشابك والسمر

واخ يالطبعج وجاغ بلاجمر
وأخ ياكاس الغوالي الماعمر

واخ يالشيبتي راسي منل زغر

واخ يالمابدلت دربي بعيد عنج وشتمر

وأخ الي بوسط كَلبي الج كانون استعر

كنت اعمه وما اشوفج تخيلت جنج كَمر

قشمرتني عيونج الحلوه وجمال البنحر

ودولبتني طعم شفتج جنت اتخيل درر

واخ من خصرج نحيل وشايل جبال وصخر

ومن اباوع طولج المرسوم اكَولن موبشر

خيبه روحي وداعت الله ثاري انتي موبدر

روحي الله وياج ماريدج بعد لاانبهر

روحي ميقشمرني صمتج وثياب وهل ستر

انتي ليله وموحشه ومامش فجر
انتي حفره وموحشه وجنها كَبر
ولاتصدكي بعد احبج وارجع لذاك السهر
ولاأفز باليل خايف ماتمر
أنتي حبج كله ليل وبس قهر
روحي الله وياج ودعيني بستر
بعدراح انوب ابدلنه طريقي وماأمر


ادري ابوذنون شلون اليوم ابقى كَاعد للفجر
هههههههههههههههههههههههههههه
شفتحت علينه من باب يمعود
الشيب اخذنه
ههههههههههههههههههههههههههه
تحياتي تقبل مداخلتي
بقلمي ارتجال لااخي يونس
الجبوري وننتضر
الهلالي
شاكر

اخوي الغالي تقول في تعقيبك شفتحت علينا من باب يمعود الشيب اخذنه
انت نسيت ان اصدق الحب هو حب الشياب ؟
ثم اني يا اخي (عانس ) اي لازلت شابا رغم السن اللي اقترب من القرن اي (100) عام
طيب سؤال : انت ماتخاف من ام حيدر لا تكتشف انك تكتب غزل هههههه وساعتها ياويلك منها
انا راح افتّن عليك عندها بس لما يدخل حيدر المنتدى ... ايش رايك ؟ ههههههه
طال عمرك اخوي الغالي
ارتجال في قمة الروعه وصح لسانك
تقبل اعطر وارق التحايا