يالحلوه جيتچ اعترف

[الكناري يونس الجبوري]

[QUOTE=الشيخ ابوحيدر;990701]

مدري شعجب جيتي اِعلى بالي ياگمر
إتمنيت وياچ العمر
يگضي وانا وانتي بسفر
يالريحتچ بستان من جنة عدَن
يالشفتچ نعناع ومحلى بتمر
يالحلوه جيتچ اعترف
ايدچ اذا تكتب شعر
ينزاح من روحي القهر
وشهالحسِن ياليتني بيچ اندفن
مابين وجهچ والخصر
وودي انتحر
مابين خدچ والنحر
وودي اشيلچ يالغلا
لدنيا بعيده بس إلچ
ما بيها ليل ولا فجر
ونگعد على شاطي نهر
مابينا خوف ولا ضجر
وتلتم عصافير الصبح فوگانا مابين الشجر
والعيد باچر لو يجي
يلگانا احنا العيد وملوك العصر
يلگانا احنا العيد وملوك العصر

الكناري
يونس الجبوري
10/9/2010

الكناري لون جديد ليس لي
بك عهد فعهدي بك تميل الى النصاري
وهاانت بلون ياخذ العقل والقلب
من جماله فلك ولقلمك الذي
تناغم مع روحي وصب فيها
من سحابات الشوق الشيء الكثير
الف حب وتحيه لبوذنون

المبدع والراقي

الاخ الغالي ابو حيدر
لاتستغرب من اخوك يونس الجبوري عندما يكتب لانه عراقي والعراق زاخر بالالوان الشعريه وحتى طفلنا بالعراق ماشاء الله يكتب الشعر فما بالك بشاب مثلي على مشارف القرن من العمر
وراح ارتجل لعيونك هنا شئ والله وانا وحظي


شفت الحبيبه اليوم تخزرني خزر
وانا يبو حيدر گاعد انتظر
گالتلي ايش تريد مني يالبدر
گلتلها لا جيت اعتذر
جيبي ايدچ خلي اشمها

وجيبي طولچ خلي اضمه
وصاحت الحگيلي يمه
شجاك يا يونس علينا
هيجت نيران بينا
وآآه منك يمه يمه
يلاا گول شرايد احچي واختصر
گلت لا خاف الهلالي ينتحر
من يشوف الموت غافي بالصدر
گالت اسكت عاد يا يونس كفاك
وانت ابو حيدر على يونس شجاك
هذا روحه الغزل ما عنده صبر


ان شاء الله تعجبك يابو حيدر وتراني تحرشت بشاكر الهلالي