قصيده| الى كناري الفرات يونس
يونس الجبوري
الكناري
المغرد
أذا رايدتميز بالزلم نوعين
موقف لليخاف ومنهو جيدوم
وانت منل زلم محسوب سيفين
تصكَر بالعيون تكَول جنك حوم
كناري جبوري اصلك والله نعمين
من اصلك ومنك خويه وعلوم
الك رقه بكلامك تسحرالعين
والك كلمات بيها تلوي الخشوم
كرم عدكم ينعم جبور صوبين
ولجل خطاره يونس باع الهدوم
وهذا قليل بحق كناري الفرات
يونس الجبوري الف تحيه
لك ياطيب
بقلم الشيخ ابوحيدر
الشويلي
رد: قصيده| الى كناري الفرات يونس
والك كلمات بيها تلوي الخشوم
****
اي والله صدقت ياشيخ ابوحيدر
وعاشت اناملك ودام نبضك
قصيدة يستحقها كناري الفرات
ومهما تكلمنا عن شخصية هذا الرجل قليلة بحقه
لك كل التقدير والاحترام
وللكناري الفرات الف تحية
رد: قصيده| الى كناري الفرات يونس
عاشت الايادي اخي الفاضل ابو حيدر فعلا حروف في قمه الروعه ننتضر جديدك
رد: قصيده| الى كناري الفرات يونس
كناري الفرات الجميل ابا ذنون
ولكم مثلها استاذنا الغالي ابا حيدر
على هذا الطرح الجميل والقصيدة الرائعة بحق الاخ ابو ذنون
تحيتي لكما وخالص تقديري
رد: قصيده| الى كناري الفرات يونس
على هذه القصيدة الرائعة
ويستاهل الغالي ابو ذنون
كلمات من ذهب لرجلٌ اغلى من الذهب
مع التقدير
رد: قصيده| الى كناري الفرات يونس
المشاركة الأصلية كتبت بواسطة الشيخ ابوحيدر
يبو حيــــــــــــدر يغالـــــي نعرف الدين
ونوفي لو أچلنـــــــــا يصيــــــر گيصوم
تعلمنا نـــــــــــرد الصـــــــــــاع صاعين
وميهمنـــــــــا كـــــــــلام زغـــار لملوم
الوصولي دائمـــــــــاً تلگــــــــاه نصين
الحلو ليفــــــوگ والمـــرّ جـــوه الهدوم
بس گلّـــــي يجيــب الفهـــــم من وين
اكلمه بكـــــــــل أدب ثاريـــــه مسموم
مو موضـــــــــوع واحـــــــــد نزّل اثنين
وانا اعتبره طفـــل هالحيــــــن مفطوم
لا اخشــــــــاه لكن هلــــــــي الطيبين
گالولي تريــــــــث فيـــــــــــــه معدوم
نخلي الزين فوگ من الحچـــي الشين
وأظن بهالقصيـــــده صــــــــــار معلوم
اذا الجبوري يســــــكت جاكـــــم البين
شلون اســــكت وانا للحيـــــن مظلوم
واذا عافونـــــي اهلـــــــــي بين نارين
انا ثاري اطلعـــــــــه وانـــــت محشوم
وابو الغيث بحكمتـــــــــه يفــوق الفين
ولتصــــــــدگ ابد هالحالـــــــــــه تدوم
يبو حيــــــــــــدر يغالـــــي نعرف الدين
ونوفي لو أچلنـــــــــا يصيــــــر گيصوم
يونس الجبوري
31/10/2010
ارتجال لعيون ابو حيدر
رد: قصيده| الى كناري الفرات يونس
والله يستاهل ابو ذنون العربي الأصيل
تحياتي وتقديري لك ولقلمك
رد: قصيده| الى كناري الفرات يونس
والله يستاهل ابو ذنون العربي الأصيل
تحياتي وتقديري لك ولقلمك
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
