حز بسكوت

[يحيى الحميداوي]

حز بسكوت....
لاترجف اجفوفك لو صلت الموت
اكطع ظنتي ولفني بوعد جذاب
ولم لوعات هجرك صوغهن تابوت
وادفن كل حرف كلناه لحظة شوك
ماازعل عليك ولااسمعك صوت
ولو سألوك عني ازعل زعل حزنان
واصرخ بالاذان بسامعين الصوت
ماسمعك خطيه ولااكولن ليش
حز بنحر روحي بمنجلك مبخوت
ماكلك تهده بهيده وي الروح
فصلت الكلب تفصال صار ابتوت
متخايل جنت نكضي العمر ياحيف
ماادريك فاله وبلضلوع اتفوت
مادريك روجه وما الك عنوان
كل شاطي التمره اتسمعه احلى انعوت.......
خل روحك محطه ابكل جدم تنداس
وامسح كصتك من عركت المبخوت
وافتر بلشوارع واسمع الجلمات
واتمايل طرب للغزل من تفوت
وانساني بوكاحه وضكني حد الاه
وامسح كل حرف يانشغة المبهوت
مالك بلعشك وين انت وين وين
اول عشك انته وبيه شفت الموت
لذلك قررت ما راح اكلك ليش
حز بنحر روحي بمنجلك بسكوت


الشاعر
يحيى الحميداوي

[الكناري يونس الجبوري]

الشاعر يحيى الحميداوي
صح لسانك اخوي الغالي على القصيده الرائعه وعاشت ايدك
دمت متألقا ودام لنا ابداعك
وابنتظار جديدك
تقبل مروري وتحيتي لك

[الشيخ ابوحيدر]

احسنت اخي دام التالق
ابدعت هاهنا
تقبل مروري
تحياتي

[السومري71]

احسنت وابدعت عزيزي الشاعر يحيى الحميداوي
ننتظر جديدك
تحياتي وتقديري

[يحيى الحميداوي]

شكرا لكم ايها المبدعون على هذا المرور مع تحياتي لكم

[شاكر الهلالي]

احسنت اخي العزيز يحيى

قصيده رائعه بمعانيها

تقبل احلى تحيه يا مبدع 0

[يحيى الحميداوي]

شكرا لمرورك العذب تحياتي لك.........ايها المبدع

[عباس الفرطوسي]

اخشى ان تكون انت ....
كلماتك قريبه مني حد النبض للقلب ... واسمك قريب مني حد البياض من حدقة العين
اخشى ان يتخفى خلف اسم (يحيى الحميداوي ) الجبل الذي اعرفه وتؤام روحي ....
انا اعني ما اعني في ردي هذا فأن كان الجواب نعم لاتحيرني وان كان الجواب لا فتحياتي لك