اخوان يوسف

[عباس الفرطوسي]

ليس كل اخ لك ولدته امك ..

جرح گلبي ندي وما يقبل يطيب
ومعجون بمرار وحزن وبآه
أحصد بالمرار وأزرع بطيب
واللي انطيته گلبي شفاد وياه
ما اسمع صرت بس ناوش وجيب
ويوم أعتاز گلبي محد أنطاه
بس تطلع شمسنا شمسرع تغيب
وما شافت فرح لا شافت سماه
الحصص للغير بس حصتي الثحاريب
والما صار بيّه دهري سواه
دوروا بير أخوتي وكظهم العيب
الخناجر گالواأندچ بيها مگفاه
وخل يعگوبنا يسد ناظره الشيب
شنو يعني يموت بسبب فرگاه
مثل يوسف صرت وشبعت تعذيب
شنو بيده البشر ع الكاتبه الله
اثر ردوا قميصه نياح ونحيب
وانا فد مره گالوا نمحي ذكراه
اختفى وماندري قابل نعلم الغيب
واليعقوب گالوا نعتقد تاه
وبقيت سنين بالي يودي ويجيب
وعرفت بنفسي شتسوي المعاناه
يوسف زين اخوته نطوه للذيب
بفرد صينيه اخوتي ثردوا وياه

[ام فيصل]

الله الله عليك ياالفرطوسي
صح لسانك عزيزي
وسلم لنا مدادك وروعته
كلمات مؤثرة واحساس بالألم كبير
كل الشكر لك وللمداد الناطق عذوبة

تحياتي واطيب امنياتي لك

[أنثى شرقية]

الله عشت والله وصح لسانك يامبدع سطور مؤلمة لحد النخاع وجسدت واقع حال
عباس الفرطوسي
شكرا لجميل ماتنثر بين ربوع الفرات
الف تحية لك

[عباس الفرطوسي]

الله الله عليك ياالفرطوسي
صح لسانك عزيزي
وسلم لنا مدادك وروعته
كلمات مؤثرة واحساس بالألم كبير
كل الشكر لك وللمداد الناطق عذوبة

تحياتي واطيب امنياتي لك

شكرا لك اختي الفاضله ام فيصل .. نورتي متصفحي

[عباس الفرطوسي]

الله عشت والله وصح لسانك يامبدع سطور مؤلمة لحد النخاع وجسدت واقع حال

عباس الفرطوسي
شكرا لجميل ماتنثر بين ربوع الفرات

الف تحية لك

شكرا لك عيون المهى .. لا اراك الله خيانة عزيز .. اطراء جميل يدل على ذوقك الاجمل ... تحياتي لك

[نجوي]

الله علیک یااااااااااااااا مبدع
لاننحرم من مزیدک
تحیتی لک

[عباس الفرطوسي]

الله علیک یااااااااااااااا مبدع

لاننحرم من مزیدک
تحیتی لک

شكرا لمروك الجميل .. لاحرمنا الله هذه الاشراقه .. ودي واحترامي

[الكناري يونس الجبوري]

ليس لي الا الصمت وتذكر يالفرطوسي انك ابكيت يونس الجبوري برائعتك
واحلى تقييم وارشحها كافضل مشاركه وتستحق وسام
تحيتي لك