اجمل الابوذيات/ ادخلوا وشوفوا

[هاشم نجم]

1-
الاحبه روحي بروحه مذابه
زعل وياي لو ادري ماذا به
ذبني بلا سبب وانه ماذابه
هجرني وصاح حبك بس اذيه

2-
اريد انصب عزه لروحي واقيمه
لان مابقت حيثيه وقيمه
الناس تجلب بعنبر وقيمه
وانه مركة هوى تصعب عليه
3-

الزمن مادام لواحد ولك دار
ملكت قصور يمعود والك دار
انا الجان الزمن بيدي والاكدار
صرت ويه الزمن وتخون بيه

4-

على فراكك بجيت بدمع من دم
وعلى تعبي التعبته وياك مندم
وجرحك داخل الدلال مندم
لحد هسه تجي منه الاذيه

[ام فيصل]

احسنت ياهاشم

ابوذيات جميلة

لاحرمنا هذا العطاء الدائم

وتحياتي لك

[هاشم نجم]

شرفني مروكي اختي الفاضله
ام فيصل
وردودكي الجميله والرائعه
لكي كل الموده والاحترام ودمتي بحفظ الباري

[حيدر القريشي]

عاشت ايدك اخويه العزيز
ابيات في غايه الروعه

وتقبل تحياتي

[هاشم نجم]

مشكور اخوي العزيز حيدر القريشي
على المرور والرد الجميل
تقبل تحياتي

[رشا]

شكرا على الموضوع الرائع

[هاشم نجم]

رشا
شكرا للمرور والرد
مودتي

تسلمون جميعا على هالابيات عاشت ايديكم