يمته اشوفك

يمته اشوفك
مااشوفك!
لو اشوفك......
يرجع الماي على عيني وتبقه تتمعن عليك
بعد مامليت بجي من طيوفك
اريد اشوفك....
اريد اسولفلك واريد احجيلك واون ونة محبه على دروبك
وابجي واحب جفوفك
ويابجي....وياونين
وياحسافه العمر مابي كل حنين
وياونين...الي يشهد بالمحاكم زور في حق السجين
وياونين...الي يجرح......
ينزف الدم اعله حالي وانتظر صمه ملح تطفى الحنين
لو اشوفك......
تمطر الدنيا عليه من بعد كيض السنين
بعد ماذبلت وردتي ومات كل الياسمين
واركض بصحراء ظيمي وغفله اشوفك سراب
واركض بشوكي واوصلك واعطش واشرب من دمعتي
وارتوي بماي العذاب......
ياعذاب....اوياعذاب يالعذبت حتى العذاب
وامشي امشي
أتاني وشفتك مقترب
واقترب بس ياحسافه من وصلت تطلع تراب
يالمحب اني احذرك.....من تحب لاتنسه جرحك وتعثر وانت بضباب
والشماته بكل وكت تتمنه زله.....

يالضباب...وياضباب....اني احذرك شمسي طلعت بالضباب
راح اجلي اهمومي كلهن.....وراح اكتب قصتي باأجمل كتاب
كتاب عنوانه الفرح مليان بالهم والعذاب وصمت وعتاب
واني اكلك يمته ترجع....يمته اشوفك
يمته الفظ اسمك باأجمل حروفك
يمته اشوفك .....ياظماد العين صدك ماأعوفك
ياظماد العين صدك ماأعوفك@اتمنى قبولي صديقه جديده وارجو ان اكون عند حسن ضنكم



منقووول

[أنثى شرقية]

اهلا ومرحبا بالاخت عاشقة البحر يسعدنا انضمامك بين اسرة الفرات
وننتظر مشاركاتك القيمة
وانتقائك كان مميز لتلك القصيدة

ملاحظة يرجى كتابة كلمة منقول للامانه الادبية
تحياتي

[الكناري يونس الجبوري]

نقل رائع ومميز
تقبلي مروري
وتحيتي لك

[طالب الناصري]

جميل ياعاشقة البحر
واهلا وسهلا بك بالفرات

[الشايب العراقي]

تسلم الانامل الرقيقة والذوق الرفيع

[ابو يقين الكعبي]

الاخت عاشقة البحر
اختيار موفق لقصيدة جميلة...
شكرا لحسن اختيارك وذوقك..
ابو يقين

[ام فيصل]

كل الشكر لجميل ذائقتك عزيزتي
اختيار مميز واحساس رائع
دام لنا هذا العطاء والتواصل
وحياك الله معنا فراتية جديدة بين اخوانك

لك اطيب تحياتي