رد: _$$$ _ رحبوا معي بالأخت المبدعة همسة ولاء معنا على كرسي التعارف _$$$_
المتميزهـ
المتألقهـ
الرقيقهـ
المثابرهـ
نحولة الفرات
فراشة الفرات
الانيقهـ
الساحرهـ
الباهرهـ
الخجولهـ
غآليتنا همسة ولاء
ارحب بك اجمل ترحيب
وها هو كرسي الاعتراف
اتمنى لك النجاح في اجاباتك
تعبت وانا ابحث عن عصير مخصوص لك هههه وما لقيته الا انا هلكان من التعب
لازم تشربيه اللي يجلس عالكري مو بكيفه لازم يطيع الاوامر
تفضلي
هااااه بشري خوش عصير ,, ؟
بالعاااااافيهـ
وهسه تفضلي حتى لا تگولين يونس بخيل يالمشاغبهـ
عواااااااافي هموسهـ
والان من طبعي اكرم الضيوف واسمعهم نكات وجبت لك كم نكته
المطلوب منك
التعليق على كل نكتهـ ويجب اي يجب ان يصحب التعليق ضحكهـ
فاهمهـ
لو مو فاهمهـ اعيدي القراءهـ
اليك النكت
1-على قدر لحافك مد رجليك واذا طلعن رجليك البس جواريب
2-الي ما يعرف تدابيرة.. الماطور جتال صاحبة
3-الي يدري يدري والي مايدري سويلة مس كول
4-اذا صاحبك حلو لتعرفه على صاحبتك
5-اصعد تاته ولاتصادق حاتة
6-من راقب الناس صار مشرف هع
7-اذا كان بيتك من زجاج فلا تبدل بالاستقبال هههههههه
8-حامض شلغم ماضوگه .. لو ضربوني بطابوگه
9-الجريدي لو سكر .. يمشي على شوارب البزون
شلونهم النكات ؟؟\
هسهـ ضحكناچ مووو
طيب راح ابدأ رحلة اسئلتي لاختبار معلوماتچ وللعلم انا ما الطش اسئله لطش زين لو مو زين ؟
خوش
راح اجيبلچ امثال شعبيه عراقيه
المطلوب منچ :
توضحين للقارئ الكريم عليمن ينطبق كل مثل من الامثال .. اوكي ؟
يعني كل مثل تكتبين تحته على من يضرب هالمثل
والان الى الامثال
1- علي وعلى اعدائي
2- تيتي تيتي مثل ما رحتي جيتي
3- لا حظت برجيلها ولا خذت سيد علي
4- من تمشي تتعثر بيه .. ومن تريده ما تلكيه
5- غراب يكل لغراب وجهك اسود
6- يركض والعشه خباز
7-المنحوس منحوس حتى لو حطوا براسة فانوس
8- بيدر الذهب هم يحتاج بيدر الدخن
9- جيب الليل .... وأخذ عتابه
10- حظي بكل شي اسود بس بالرگي أبيض
11- الفگر لو فوگ البعير يعضه الچلب
12- أتعلّم الواوي على أكل الدجاج
13- حچيك مطر صيف ميبلل أليمشون
14- شوفوني نجوم الضحى
15- علچ المخبل ترس حلكه
16- كل لشه تتعلك من كراعينها
17- يشتري من عدّنا ثلج و يبيعلنا مّي بارد
18- فوگ حگة دگه
19- يكتله ويمشي بجنازته
20- عند البطون تعمى العيون
حلوه اسئلتي ؟؟
حلوه الصوره هاي مووو ؟
هذي سحليهـ عمرها 129 سنه هع
شكرا هموسهـ على الاجابات الرائعهـ يمكن ارجع بمجموعهـ من الاسئلهـ وحسب الظروف
شكرا لك اخوي ابو علي على اختيارك للاخت الغاليه والرائعه همسة ولاء هذه الانسانهـ التي اكن لها احتراما كبيراً
اعطر التحايا
