جديد الابوذيات

بغـــــــــداد
أبد بغداد ما سقطت هوانة"
ودمنة السحب نازفتة هوانة"
آنة مو آنة العراقي هوآنة"
الشلت مگوار والفالة عشية




مصايب غربتي بهجرك لوني"
أفرح وأنسعد وأرجع لوني"
أمنيتي من العمر يمك لو أني"
تواسيني وتضمد جروحي الية



سلامي للولف ياطيــر وصله
احبه ومن صدك محتاج وصله
كريم النسب ابن شيوخ واصله
اصل عز واصل غيره وحميه



اخوتي الچنت اودهم دوم يمناي
عگبهم ماتهوش عداي يمناي
گمت اصفك يساري فوگ يمناي
على ابن امي السرة تحت الوطية



أبتليت وشال كلبي بابلية
ومنـك خذت بابـل بابليـة
بعد للبيت ماحـط باب لية
شتلعتهة بدكتك يعطلك علية

مما راق تحياتي

[سهام الهلالي]

ابوذيات حلوه واختيار رائع شكرا حبي فتونه

لك كل الحب والمودة ياام السوس شكرا لك ولمرورك تحياتي يالغاليه

[شوك الشفايف]

سلامي للولف ياطيــر وصله
احبه ومن صدك محتاج وصله
كريم النسب ابن شيوخ واصله
عراقي وبطل من الشيخليـــه....
....................................
مع حبي واحترامي ايتها الاميرة الغاليه..شوك

شكرا جزيل الشكر ياشووووووووك على هذي الابوذية الجميلة لك مودتي واحترامي