حب في زمن النت

[عباس الفرطوسي]

بلهفه واجيت بشوگ وانشد الياهو (yahoo)
غمضّ عيونه وگال الردته ماهو !!!

[عباس الفرطوسي]

عالخاص أريد وياك ما أحچي عالعام
الزهره احطها عليك أفتحلي بس كام (.cam)

[عباس الفرطوسي]

دوهنت گلبي اليوم بت لاكن شبت
عفت الشغل والبيت ومگابل النت

[عباس الفرطوسي]

لا صوره لا انه بصوت من كل شي ممنوع
بس أميلك (email) محفور مابين الضلوع

[عباس الفرطوسي]

بزّ (buzz) للگلب سويت گتله اگعد وشوف
ما ترغب بملگاك وانته الها ملهوف

[عباس الفرطوسي]

كاتب اليوزر نيم (user name) لگليبي بيدك
ما ينفتح للغير بس انته اريدك

[عباس الفرطوسي]

أمگابل الحاسوب واشعر بحيره
صرت أشبه الصايود من تمر طيره

[عباس الفرطوسي]

مخفي يطب هواي ويريد أعوفه
مايدري مو بالعين بگليبي اشوفه