رد: تعالى
تعالي ياحياة الروح عندچ ضيف
مفتونچ
وإذا ما تقبليني ضيف نسمة صيف
لعيونچ
تعالي وارحمي الشاعر
هذا يونس المسكين
ابد دنياي ما توفي
ولا بحقوقي يسمح دين
وهذا العالم القاسي
ضدي وانتي هم تقسين ؟
انتي گلبچ الاقسى
للعطشان ما تروين
وانتي بالهوا العالي
چنتي دومج اتلعبين
على هونچ يبنت الناس
لابد يوم تتذكرين
همسات وسوالف شوگ
يومن بالدرب تمشين
يومن چنا نتلاگى
يومن چنتي تنتظرين
يومن چان هاليونس
بالشرگاط ميخونچ
تعالي ياحياة الروح عندچ ضيف
مفتونچ
وإذا ما تقبليني ضيف نسمة صيف
لعيونچ
تعالي وارفعي لثامچ
ما بالبيت من محذور
بس مصباحنا المسكين
يحبچ مثلي حب مسحور
من انفخ نفختي .. نار
من ينفخ نفخته .. نور
وآني وياه بيچ التاع
وآني وياه بيچ ثبور
وشيريدون اهلي الجبور ؟
يريدون بحچيهم تايحرموني
ويريدون بحچيهم تا يحرمونچ
تعالي ياحياة الروح عندچ ضيف
مفتونچ
وإذا ما تقبليني ضيف نسمة صيف
لعيونچ
تعالي يا حياة الروح عندچ ضيف مفتونچ
وإذا ما تقبليني ضيف نسمة صيف لعيونچ
تعالي شوفي شيگولون
عني لو كتبت اشعار
ما يدرون يالحلوه
في صدري تشب النار
وعلاء بفضله غرگني
ووسام انطاني للتذكار
ويگلي شبيك يا يونس ؟
اظن تغار
گلت له ساقط الغيره
تراه حمار
علاء آني احبها حيل
وهي اكثر علي تغار
لأنـّا من فرد طينه
جذرنا داخل الاهوار
ولان جدنا الچبير هناك
معاه الفاله والمگوار
ولهالسبب يالغالي
صحت وبحرگه يا ستار
تداري عن عيون الناس
خايف لا يحسدونچ
تعالي يا حياة الروح عندچ ضيف مفتونچ
وإذا ما تقبليني ضيف نسمة صيف لعيونچ
الكناري
يونس الجبوري
وهذا المقطع اللذي باللون الاحمر فوق الهمني اياه رد الاخ الرائع والمتالق علاء
فله كل الشكر وسيكون ثابت ضمن القصيده
ووالله القصيده قديمة جدا كتبتها من سنين طوال
لكن الاخ علاء جددها بمروره واهدائه المتميز
رد مع اقتباس