ليش تعشكني بجنونــي
ومن أجن اتكللي أعقل!
عفيه ..احبّك لا تذبنــي
من العطش تدريني أذبل
نبع صافـي ويـه المحنّه
بكيفك أحكمني وتـدلل
آني سالفتي ويـه حبّـك
جَنها مدّ وجـزر يكتـل
جنّي ناطـور الصحـاري
بكطرة من المطرْ أقبـلْ
عفيه ..أمطرْ مُطر سيـلَك
يلا غـرّكنـي.. وتغَــزّل
هذا قلبـي بدربك انتَ
استكرب عيونـي وتفضّل
بيّه من الشوكْ حســرة
بعينـك تعاينــّي أنشـل
حتى صرت اكتب دموعي
تشوف دمعي اشكثر يهطل
صرت أكولن بس أحبّـك
ودمعي فوك "الباء" ينزل
يلا هَمْ سامــحْ جنونــي
وصعبة لتفكرني ابطّــل
آني أدمنـت بغرامــك
ليل ودمـوع مــن الاول
بالعجل يــلا استغلنــي
اش بيك ما تفهمني عجّلْ
آني طمّـاع وأريـــدك
وادري بس توصلني أخجل
اخوكم الكربلائــــــــــــــــــــــــــــــــــــــــــ ـي
2000 وهســــــــــه
منقــــول / في هذا الرابط http://www.bashawat.com/vb/showthread.php?t=4282
ارجو كتابة كلمة منقول للأمانة الأدبية ومنعا للحذف لاحقا ً