شكتبنك
شكتبنك وانته القوافي
بيك صعبه الكتابه بحر
وافي
الصدر .. عش وكت المغربيه
وحضن دافي ...
العجز .. منك فرات الميه
عذب صافي ...
التفعيله.. نجمة سهيل
ضويه ...
بحضنهه الكمر غافي
البيت .. درب تبانه مشيته
بجدم حافي ..
الحروف ..حديثات الطرف
يتباهن غوه ..
بعيد لافي
والوادم تشوفك بعيني قصيده
وعطن بيك..
هيل بشفافي
وحضنك حيل لحد الشبع
وشهكك شهكة عوافي
ومن خوفي اشبكك مرعوب
وتوسلك لاتجافي
ولجن ياذلة المجروح
وكسرة المكرود
لون ماحسك
ضمد وتشافي
بقلم / طالب الناصري
رد مع اقتباس