مملكة الشفايف

[عباس الفرطوسي]

أضل بشفافچ الحلوات مسبي
وجن العگل بيچ وصار مس بيه
قلم حمره يريت الگلب مس بيه
روحه بشفتچ وذابن سويه

مزنجر قفل گلبي عليك شفتك
تبريّد حيلي والله بيوم شفتك
سبحان الرسم عالوجه شفتك
الحلاه خلاها الك والضيم اليه

حبيبي من حلاها مره شفتك
وبعد عطشان ياسمر من رشفتك
لون فد يوم تصدف مره شفتك
جدك مايخلصك من اديه

شكرا لك اخي العزيز على ذوقك واعجابك متمنيا ذكر اسم الشاعر للامانه الشعريه حيث نشرت هذه الابوذيات هنا على هذا الرابط http://www.alforat.org/showthread.php?t=96303