مشــــــــــــــــغــــــــــــــــــول
شاغلني الحبيب...
إوْ دوم افكّر بيه
بس هوَّ الوحيد... العايش إبطاريه!
كل يوم الصّبح..
يرسل لي بالجوّال..
مرسال ابـمَحنَّه..وبالعطر يمليه!
من شافوني هايم...
ناشدوني الناس..!
عنَّه.. وعن صفاته.. وعالحچي اليحچيه
گالوا: شسمه حبَّك ؟
گلت : لا مابوح..!
باسمه ولا حرف... بشفافي يوم اطر يه
گالوا : ليش ؟
گلتلهم :
أخاف إتهيم ... بيه الناس مثلي
وبالهوى اتناغيه!
لأن ماكو إبـحلاتة
إوْ مثله ما موجود!
يسحرها إبدلاله .. وبالمحنَّه البيه!
مِن احروف إسمه...
"الشمس" بيها احروف..
"والحب"... "والگمر" .. واليفتهم... يلگيه..!
د. هاشم الفريجي