انه الناطق الرسمي لكل الجروح

[memo alking]

انه الناطق الرسمي لكل الجروح



عزيزه الروح ليش بهاي الايام؟؟
هيه تراب بس تخاف التراب

وانه اتعمدت اغيرهه الموازين
وكبرت اعله النفاهه بحلك الذياب

ادك روحي على باب المعاناة
مثل بسمار افكّس عينه للباب

ويجي آب الحرك كل البسامير
واحرّكهن سويه الباب وي آب

انه الناطق الرسمي لكل الجروح
اسميهن بعد وانطيهن القاب

اكو جرح الصديق وجرح الخوان
واكو جرح الحبيب الهاجر وغاب

واكو جرح الفقر والجوع والعوز
هذني بلايه ذمه يكسرن اركاب

واكو من الترافه وراحة البال
يكول جروح عندي وهو جذاب

انه بدستوري ابد ما عدهن جروح
اذا مو بيهن اشتم ريح عطاب

ونه اتصفح جروحي من يجي الليل
ادور ياهو كاعد يا جرح طاب

لذلك من اريد اجمعهن احروف
قريبا سوف يصدر بيهن كتاب

انه المتحدث آنه بأسم الدموع
مخول احجي عنهن كل الظروف

اكو دمع اتّأسف عنه لو طاح
واكو لو طاح اكولن غير مأسوف

اكو دمعه بمعنى غيرة ارجال
واكو دمعه عكس تتفسر ابخوف

المثل عباس صعبه ينزل دموع
فما نزل دموعه ...نزل جفوف





ابد مو صعبه الرسم بالظلمه صوت
بس صعب ترسم اذان التستمع

الدمع لو طاح ويا ما نطيح
ولو نطيح يطيح ويانه الدمع
ولونطيح يطيح ويانه الدمع

مما راق لي

ووودي للجميع

[السومري71]

شكرا لك اخي العزيز لهذا الأنتقاء الجميل
وتأكد ان ماراق لك قد راق لنا
ننتظر جديدك
تحياتي

[طالب الناصري]

ميمو ان ماراق لك بلاشك
قد راق لنا تحياتي

[اسيرة دموعي]

يسللمو على هذه الداء الروعه عاشت اناملك اخي الكريم

[memo alking]

سلمت اناملكم
على ما ابدعت من الردود الجميله

[بنت النجف**]

تسلم ايدك اخي العزيز على هذه الكلمات الجميلة
يسلمووووووووو
تحياتي
بنت النجف

[memo alking]

وتسلم اناملكي عزيزتي
على مروركي الجميل
وذوقكي الرفيع

ارق التحايا

[شاكر الهلالي]

اختيار حلو ورائع

شكرا لك ميمو وتسلم الايادي 0