قصيده للشهيد رحيم المالكي
والدكتوره حسنه حلت الچبسه
شكلنه الحكومه والامان انعاد
والميت بعد ما ينقطع راسه
وبيوم الانتخان واحدنه جن عريس
طلع حامل ورد بيده وترك فاسه
وعلى انغام نصرت كلهه شدت حيل
وحملنه احنه الوطن بكلوب وناسه
ونوب ارد ابشرك صرنه جن لندن
خاسرنه اعترف سلمهه بسلاسه
الله اليرحمك ابگرك انت ارتاح
جرذان انتخبنه بحاجه مكناسه
ما عدهم شرف لا غيره لا ناموس
الزين اللي بيهم ميت احساسه
وفقدنه احنه الثقه ابقادتنه يارحيم
ثقتنه بواحد وهم قاد علاسه
بس بينه الذبح والقتل والتهجير
والقاتل نعرفه وعدنه مقياسه
خدعونه نعم ما ندري وين انروح
والمن يارحيم انروح نشكيله
بحسنه اتوسلت محجوزه جانت ليل
وعل اللمبچي احنه انروح نمشيله
مشيناله اسف ما عدنه يلبس شوب
اهدومه معلكه متلزكه كل ليله
انتخبناهم نعم خياله ما ضلت
اجلاب البقت للسرج توميله
دايخ هالشعب لا كهرباء لا ماي
لا غاز ونفط مسكين ياويله
الساقط ينام ابدله عل السبلت
وصلوخ الشعب كاظيهه تعليله
جرذان الربع بالمنطقه الخضراء
وما يفض الحواج الا بالف حيله
وخبر مفرح على الجوال جاني اليوم
وگلت بس الرحيم ابشاره اوديله
مانعطش بعد فتحو علينه الماي
وثبت بوري الحكومه التكدر اتشيله
سلام الدراجي
رد مع اقتباس