لوْ أعوفْ الدنيا كْلْها ما عْفْتْها \ محمد الشريف المدلي \
كَمت أدوّر بين همسات العليل على وردة
صادفتني ومن أجلها ألف وردة زرعتها
لو أعوف الدنيا وأعوف عيني ما عْفْتها
وردة من سيحات عمري من شبابي غادرتها
ردْتْ انسى سحر عيني اللي شْفْتها وفارقتها
رْدْتْ أبجي وخانت عيوني بجفاها وما خْنْتها
بس رْدْتْ أسأل عليها دوّرت قلبي وشفتها
لو أعوف الدنيا كلها ما عفتها
صرت هيمان بهواها مثل دمعات العيون
تغار من أشجان قلبي ومن حزن روحي تهون
أخاف أعتب أخاف أرفع جفن عيني وْيَّا الجفون
أخاف صمت اليل يجهر من أشوفن سحر خدك ولا أمون
أنت كل بسمه شفايف ليلة القمر عمر كلّهْ شجون
أنت ما أعرف أوصفك عندليب مرتفع فوق الغصون
خلْني أمشي أبتعد عن ناار حبك خلْني وحدي من أكون
لو أعوف الدنيا كْلها ما عفتها
من الصعب بعدك يدق قلبي بهواده
خلْني وحدي أمشي بالذكرى لوْ هْي عاده
خلي عيني تنام لحظة خلْني أغير صورتك وْيّا الوساده
ضاعت الدنيا وشفت أحزان ما تعرف هواده
ومن صدودك شاب عمري شْها العمر ضيّع وداده
حتى ذيج القمره غابت ويّا لِيلِي ويّا ريحانه وعناده
حتى ذاك النهر جفْ ما أصدق عطر عمري ما هي عاده
لو أعوف الدنيا كلها ما عفتها
رْدْتْ مشحوفك يمرْني وياخذ قليبي ويّاه ويهدْني
وأكبر النيران شبّت مْنْ رحت عني وبعتني
أنت لو تدري بعذابي مْنْ مشَوْا أهلك بسْهامك صْبْتني
هاذي عادة الدلال إيدْ تمشّيها بشَعرك وإيد سهوا عانقتني
وقلب يضربني بخنجر وأنا روحي كابرتْني
وابتسامه ساحره من عطر ثغرك روّعتني
وأنا عشقي بين دجلة والفرات ومن عذب مايه سقتْني
لو أعوف الدنيا كلها ما عفتها
مشعشع وحاير جمالك مثل خد القمر حاسدينك
مْنْ تطل عالورد وردة حار كل من بين يديك
ومنْ يشم ريحة العنبر يفتتن عرسه ويجي لك
من سعف نخلك تمايل سيف ما تقطع سيوفه وحار بيك
ومنْ عذْبْ حمدان سله ذكريات لا تقْلْ لي ما أبيك
أنت نسمة صيف يا رمز الشجاعة أفتدي بعمري وأفديك
طلبي يا بعد عمري أشوف الفرحة عمّت والهنا دايم عليك
لو أعوف الدنيا كلها ما عفتها
محمد شرف الشريف المدلي
عمدة التوبي السابق القطيف
المملكة العربية السعودية
رد مع اقتباس
رد: لوْ أعوفْ الدنيا كْلْها ما عْفْتْها \ محمد الشريف المدلي \
