منقول للشاعر عطا السعيدي
يعيني الله أعلى العواصي من السنين شكثر بيه عناد ويى العاصيات
وزى يوازني وأواكح ماألين ورجي ضلعي أعلى الرماح المشرعات
أخ ماكَولن وهذا المايصير ولا أطمعهن وبينلهن شكات
هيه رووحي أوطننتها أعلى الهيبب وميزه الفولاذ يصكَل بلشواتت
طبعي كَهوه شما تعضني النار حيل أكسب من النار محموود االصفات
روحي أبوها الضيم وأمها المستحيل وههيه وسنين االكَحط ولدن خوات
أنا مغرم بلثكَال من الحمول وصلب عودي وهل جتاف معركات
شكثرمنهن حملت بس مالعيت ودفتي من الجلد طلعت والعبات
وحدر هدمي وكَامتي يتكسرن والنصال أعلى النصال مخالفات
وأعتنيهن لو علي ماسيرن خاف ينكَال نكسر بلعاتياات
أنا أدريهن ضواري ولاأهاب وكَمت أواسدهن ولف راسي وأبات
الحكمه أنك تعتنيهن للمكان لاأتانيهن يجنك صايلات
أنثر غبارك على وجه السنين كلها تفنى وهنه ذني الباقيات
والله ليطخ كَمته يسموه ذليل وأنا ماأرضى تصفني بهل صفات
مر علي كلشي وضكَت حد مارويت خاف أكدر خاطرك بلتسميات
العسر والجوع والهم والدموع وكَصرت اليد والهدوم الباليات
أنافضله ضيم فرتني الرحي ومللتها ودولبت طاكَ الرحات
وبخضم هذا الصراع تريد أنام ياغشيم ينام ويلذ بلسبات
خل أشد وزار وتلكَى الصعاب كَبل لايصطن عليه موزرات
لاتكدر خاطري لو ردت أجيك وتشتكيلي من المضن ولأتيات
أنا عاندت الوكت وبمشتهاي وصرت حتى من أريد أموت بمشتهات
وصرت ممن لأن عاري من الثياب وهوه ياسلاب أليسلب عرات
برغم كل الصار وبرغم اليصير ماتزل أجدامنا من الثابتات
تريدني أجفل عكَب ما صار الطراد وجنت أتانيهن وهنه محددات
أنا مامجبور أصدكَ مايقال ولا أردد ماسمعته من الروات
أنا مصدرهن أذا زل الحديث وأنا بهلول اليفسر الراهيات
لأن بارم خيط وكتي بهل جفوف وبيدي سديت الغزل للمسعدات
عيش ذيب الدنيا مو دنيه خراف الموت للخرفان تحيى الضاريات
رد مع اقتباس
رد: منقول للشاعر عطا السعيدي
