من هي؟\\\\\\\\\\\\\\\\\\\\\\

[ابو سجاد الركابي]

اعزائي الكرام سوف اترك لكم المقصود من هذه الكلمات المتواضعه لتضع انت لمسة اناملك الذهبيه وتبين لي من المقصود(اتفقنا) خوش:
حبيبه وشارده وتزعل عليه اهواي

وهيه ابعز حياتي وملكي وذخري

كلت خل اختطفهه وحكميت الراي

مو شيبت منههوفاض كل صبري

وبليل وسهر شررد وسن عيناي

الهه انصبت فكري وطاحت ابفكري

كدتهه وسلمت وتساهلت وياي

واجت مثل السبيبه مطاوعه لاسري

ابد ما عاندت سارت مسار الماي

محنيه وذليله ابطوعي وبامري

والنوب اعتذار اتقدم اليه وراي

كالت هاك اخذني وبشك قسري

واحبسني ابمزاجك خل يطيب الداي

وسو اللي تريده وهاك كل عمري

ذابت بين اديه وذوبتلي احشاي

شنهو شراح اسوي شأحجي ما ادري

وابحر الخيال اسبحت وي اهواي

ومن عدهه اخذت الرايده لشعري

احبنهه(-------)وعدي عز اجلاي

بعز الروح عندي وبالكلب تسري

__________________________
ها عرفتوهه ترى واضحه جدا
خليهه بالفراغ
مع حبي وتقديري لكم جميعا

[أنثى شرقية]

ابوسجاد الركابي قصيدة رائعه بالفعل
واعتقد إما تكون والدتك أو ابنتك
تمنياتي لك بالموفقية والابداع المستمر

الف تحية لك

[ابو سجاد الركابي]

حلوم\\\\الاجابه غير صحيحه
تحياتي اليك

[الشاعر جلال البطاط]

هههههههههههههههه هية اذا بيها هذا الحجي(

واحبسني ابمزاجك خل يطيب الداي
وسو اللي تريده وهاك كل عمري
ذابت بين اديه وذوبتلي احشاي
شنهو شراح اسوي شأحجي ما ادري
وابحر الخيال اسبحت وي اهواي
ومن عدهه اخذت الرايده لشعري) جا خوية السالفة امبينة بعد اخوك ههههههه تحياتي الك يامبدع

[الشيخ ابوحيدر]

واحبسني ابمزاجك خل يطيب الداي

وسو اللي تريده وهاك كل عمري

ذابت بين اديه وذوبتلي احشاي

شنهو شراح اسوي شأحجي ما ادري

وابحر الخيال اسبحت وي اهواي

ومن عدهه اخذت الرايده لشعري

احبنهه(-معشوقة ابوسجادالركابي------)وعدي عز اجلاي

بعز الروح عندي وبالكلب تسري

اخوان شوفونه اسعاف
اخوكم ابو سجاد
لولحك عليه
لومالحك
طايح بالقاضيه
تقبل هذه المزحه ايهاالراقي
لك حبي

[ابو سجاد الركابي]

جا خوية السالفة امبينة بعد اخوك ههههههه تحياتي الك يامبدع
--------------------------------------------
سيدنا احنه ماعدنه هاي السوالف
ههههههههههههههههههههههههه
بس مو هيه اللي تقصدهه
تحياتي اليك

[ابو سجاد الركابي]

(-معشوقة ابوسجادالركابي-----)
شيخنا صحيح انا اعشقها لكن ماهي واظن انك تعشقها ايضا
شكرا لك

[أنثى شرقية]

خوية ابو سجاد ماكو غيرها


الجكارة لانكم ماتكدرون تفاركونها ابدا


هل المرة لا دكولي غلط

انتظر جوابك

تحياتي