رحلة السندباد
في نبضات قلبي المتراكمه في الشوق
والحب والامنيات في زمن
الصمت والتشرد والضياع
وصلني كل شئ ولاكن *
موقفك واضح معي وجدا صريح
دعني ابرر موقفي وظرفي الصعب
ردت انسه اوسد شباج الظنون
وبالفعل حاولت اسد باب الكلب
لاكن اتراودني كل الذكريات
تبوكني الصفنه وتغافلني وتطب
ارجع اغضب ونتفض وزهك وثور
وستعيد الماضي واعلنها حرب
لان جرح البيه اكبر من دليل
والجرحني انجرح وتحمل ذنب
ولو صرنه اثنينه ابنفس المصير
هذا مايعني استسلم ونسحب
اليريد ايحبني يندل خدي وين
لايغالط نفسه ودموعه التصب
ماطفت ناري ولا صارت رماد
ليش ليليه احترك وطفه اوشب
مره وحده انصلب بالدنيه المسيح
وانه يوميه اكابر ونصلب
من زمان الماي حدري اومادريت
جنت نايم ماحسبت الينحسب
استيقضت من بعد ما فات الاوان
الكيت روحي ابلا حبيبه اولا محب
ماكو واحد يلتفتلك من تصيح
اوتستعين ابعينه وتوجد الدرب
خلصن اتلاثيني رحلة سندباد
اوفرني زنجيل العمر شرك اوغرب
ناس باعتني وشرتني اعله الرصيف
وجزئتني ابقسمه وبجدول ظرب
وناس تاخذ مني ما كالتي هاك
اتريد امد اجفوفي وطلب ونطلب
المهم والاهم ماذليت يوم
وحتى باخر داس ماخفت انغلب
جازفت وتجاهلت كل الحضور
اذاً نقطة ضعفي جنت ابيض كلب
رد مع اقتباس
