امطرت دموعي
وسقط القلم..تاهت كلماتي
واغتربت حروفي..
فاكتفيت بتقبيل اسمك..وكتبت هذه الكلمات المبعثره..اليك
ابن اخي الغالي
قرة عيني..حيدرالعقابي
اليك حيدر..
اشك ثوب العليّ لو احد ايحاجيك
وضمك وسط كلبي وبين العيون
وصيرلك رمح يوجر على الناس
وملش الراس ومشي براي مجنون
وهد سور العليهم ولعن الخوف
وسويها بسوس اعلى اليمرون
وجفّن بالمنايا طروش الاجناب
وكطع الروح لجلك وجوي لمتون
وظمك بالنفس وكضيها شهكات
وبحضن انفاسي اضمه لو يدورون
وعلكها بوريدي مطاشر الجيلات
وخلي ضلوعي ساتر ما يعبرون
وزرعلك بعيني اوطان تحميك
واخلص العمر حارس اله وممنون
ولا دور مدح واحتاج عفيات
اولا رايد حجي من اليشكرون
يضي عيوني حيدر بيش اجازيك
كحل عيني من شوفنكم تلعبون
يا عطر الوفا وشيبات البخات
يا كلشي وكلاشي وسحر الظنون
بقلمي
زهير العقابي
النجم العراقي......زهير العقابي
رد مع اقتباس