اروع الابوذيات

هاك اشعل كلب كلبي و وجهاك
اعله حاله راح اعلمنك و اوجهاك
بشالك من تلف شعرك و وجهاك
تلف روحي مثل لف المنيه
*** **** ***
ما شاء واضن اليوم شاءلك
وعلى راسه احس الكلب شالك
على شعرك لون ذبيت شالك
تذب عا لروح طركاعه وبليه
*** **** ***
وحك رصعة اخدودك وحك شفتاك
انسبيت بيوم وسط الروح شفتاك
اشيخلصني بعد شرتاح شافتاك
وبعدك والقرب نفس الاذيه
*** **** ***

حبيبي بيا بخت وياي شديت
عدى هجرك الي شقدمت شأديت
باصبعك حتى تذكر خيط شديت
انحصر دمك ولا فكرت بيه

****************


مرضة احنة وما يــــــــوم ....... صحنة
لن عـراق وسبيل شلون ....... صحنة
كلنـــة عــــــرب واكـــراد ....... صحنة
كلا .. كلا ... للطائفية
..............................

مرارتنة يصاحب ليش ...... مرهةمنكم
وانة المعلول وابحــث ....... مرهم الكم
تدري انت ليش انــة ....... مرهم الكم
انة ارهم لبو الاطباع الوفية



اسرح شعرك تهدل صوبي وانساب
وطفح دمعك على الوجنات وانساب
اسألك ياهو گلي وياك وانسب
وتجازي افعالي الطيبه برديه

وعلاه
شربت المر وجرعت الآه عالآه
واصيح الآه وانت ترد وعلآه
وحگ الي سره بعبده وعلاه
لأزگيك الزهر باثنين ايديه

بسلاك
عگدت الگلب وسط الشوك بأسلاك
ونذرت العمر ويه الروح بس لك
احبك ولا تفكر يوم بسلاك (بنسيانك)
انه بنومي ويمر طيفك عليه

مرعلينه
ترف يامن ضعنكم مرعلينه
هجرتونه وجفاكم مر علينه
حلفت مهما الزمان يمر علينه
منسه ايام عشناها سويه

وصـل
يا گاطع بالهجر الارحام وصّـل
ومد جسور وللصوبين وصـل
لعگرب لا تأمن يوم ولصـل
يلدغك لو چنتله بيوم اخيه



1انه بسمك حبيبي اليوم طكيت
وسبع طلقات بالعذال طكيت
نفاخة فرح وبعيد طكيت
شمرت روحي على بيتك واهليه


احب الجاي واليشرب بجايه
وعليك الروح كل ليله بجايه
انه ثابت صعب كلش بجايه
تبجني شلون والله ادوخ بيه







ومنكم نستفيد احنه ونقره
وبيدك جرص دلالي وانقره
حافرلنه الف حفره ونقره
اذا خانك قليبي انعل ابيه


العشك صح باع شخصك بس شراني
وانه الماشفت خيرك بس شراني
بغيرك عشك راقي بشراني
وطمني بعشك مابي اذيه



تحياتي
قيصر الغرام

[السومري71]

اخي قيصر الغرام
بودي ان ارحب بك اجمل ترحيب في بيتك الثاني الفرات
متمنيين لك طيب الأقامه والفائده معنا
عزيزي باقه رائعه من الأبوذيات
شكرا لجميل انتقائك
خالص تحياتي

[صوووت الحزززن]

احسنت الانتقاء
ابو ذيات جدا رائعة
وتسلم الايد اللي نقلت الموضووع
تحياتي الك تقبل مروري

[ام فيصل]

الف شكر لك على هذه الباقة الجميلة
ابوذيات رائعة واحساس جميل
اطيب الأمنيات لك بالتوفيق
ودام لنا مدادك

مع تحياتي لك

[همسات امراة]

ابوذيات رائعة زميلي العزيز
ننتظر المزيد تحياتي