ارد اسافر
لن صفت عدنه المكابر اكثر من دموع والدة الشهيد
وارد ادور عن مدينه
خاليه من الخوف ورهاب الوعيد
ماكو بيهه حسين يقتل
واليتبعه يصفك لفعلت يزيد
ماكو بيهه موقف بنحري يحز
من اشوف ام بشرفهه تراوس رغيف الخبز
ولايتامه تجدي لكمه
ولايتيمه لأجل درهم تفتح من الشرف دكمه
اني اريدن كون أمه ... أمه تسحك عالحقير
وانه اريدن ريس الدوله يعينونه فقير
حتى يعرف شنهو همنه
موش من يعله الكراسي بجيب المغلس يضمنه


لاتسافر
آنه اكلك موطنك محتاجك انته
يريد من عندك محنه مثل ماتتطلب محنتـَه
صح لبست انته الصبر وتحزمت بيه
وصح تحملت الألم ماتدري تاليه
بس اكلك لو رحلت وسافرت
جنك اسمحلي اكلك للوطن خنته


اعتذر لمزاحمتي سطورك بهذه الابيات الارتجالية
وارحب بك اجمل ترحيب ايها العراقي الاصيل
وانت بين اخوانك وفي منتداك
ياشرف العراق وغيرته
بوجودكم انتم يبقى العراق شامخ وبنخوتكم
فان تركتموه ستخسرون انفسكم قبل كل شئ

اجمل ماقرأت من عبارات
قصيدة مؤلمة خطت جراحا على صدري وزادت شجوني
كان نوحــا ووجع كتب بمداد الألم والحيرة

سلاما لك ولحرفك عزيزي