. الأول لازم تعرفين إن الشوكة والسكينة بينمسكوا من الطرف مو من الوسط ولا من البداية مثل الخنجر ولا من فوق طبعااا
2. الخبز .. ديري بالك تفضحينا وتقطعيه بسنانك ولا الرغيف نصين بأيدك وكل نص لقمة وعلى دحش لااا ديري بالك.. الخبز بيتقطع بالسكينة بالصحن.. وبعدين بتاخدي لقمة.. لقمة.. بالغصب يعني قال يعني نفسك مسدودة.. اضغطي على أعصابك جدااا وبعدين لما تروحي.. إبقي حِشّي مثل ما تريدين....
3. الشوووربة أبوس ايدكـ بلاش فضايح.. بند الشوربة مهم جداااا.. الشوربة بتنشرب من غير صوت أبداً.. ومن غير ماتقعدين تنفخين فيها.. مثل صبي النارة تبع الأركيلة اللي بينفخ في الفحم للزبون.. وطبعاااااا اريدك تنسى تماما الطاسة اللي بتحطيها على فمك في البيت وتشرشري على حالك..
تشربيها بالمعلقه وبدون صوت.. حتى لو كانت سخنة نار ... كمان بدون صوت.. وبتتركي ثلث الطبق ع الأقل.. مو تميلي الصحن علشان ما تبقي فيهاولا نقطة .....
4. الرز طبعاً بيتاكل بالشوكة ديري بالك إيدك تنمد ع المعلقة.. وتغرفي من طبق الرز وتعبي...ديري بالك.. الرز بالشوكة.. وكأنك بتبوسيه .. مو بتاكليه..
5. المعكرونة.. الاسباكتي كمان بالشوكة.. بتنلف على طرف الشوكة.. لحد ما تخلص وبعدين تحطيها ف تمك عالسكت.. مو تشفطي المعكرونة عود عود..
6. السمك مشكلة.. شوفي.. بتفصلي اللحم عن الشوك. شلوووون..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. ما تقلبي السمكة.. بلا فضايح.. شيلي السلسلة بالشوكة والسكينة وحطيها جنب الصحن وكملي أكل النص التاني.. وببدال الفيلم الهندي هذا.. نصيحة.. ما تاكلي السمك أبداً.. قولي ما أحب السمك وخلصي حالك من هالورطة..
7. البطاطا سواء مسلوقة أو مقلية ديري بالك تهرسيها وتحطيها ع الرز ..... لا..لا...لا... تاخذيها بالشوكة قطعة قطعة وإنتي مثل ما تكوني راح تبكين من كثر ما البطاطا صعبانة عليكي..
8. الفاكهة.. لو الفاكهة فيها بذر طلعيه من فمك على مهل وحطيه في إيدك وهي مسكرة وبعدين في طفاية السجاير اللي على الطاولة.. ديري بالك ياحبيبتي من نظام التفتفة للبذر.. إنسي....
9. ولما تخلصي أكل .. بتحطي إيدك على بطنك -اللي عصافيرها جالسة تزقزق من العينات والنماذج اللي أكلتيها-.. وتقولي له مو معقول.. أنا عمري ما انفجعت بهالشكل.. أنا قدامي أسبوع.. ما راح أكل فيه.....
وبعدين تمسكي الفوطة اللي دايمًا موجودة ع الطاولة من غير لزوم.. وتبوسيها.. على اساس تمسحي فمك ..
وبعدين تستأذني منه لدخول التواليت لإصلاح ماكياجك وبتدخلي التواليت وبتطالعي من شنطتك.. سندويشة الفلافل اللي جبتيها معك وبالهنا والشفاااااااااااا
والله يعين خطيبك بعد الزواج وينصدم لما يشوفك على حقيقتك ههههههههههه
دمتم بــــــــــــــــود
·˙܈. تعلمي فن الاتيكيت ·˙܈.
رد مع اقتباس
رد: ·˙܈. تعلمي فن الاتيكيت ·˙܈.
