حضارة الموت

توازيت انفعل واكتب قوافي عليك
تنخيت القصيده وعاندت الاشعار

وجاملت الخلك عود انه مامجروح
اكتب عالثلج وانه بصفحتي النار

بس عوزي فضحني ودرت بيه الناس
كلت موهذا اني وضحكت الاعذار

حضاراتك حلم ماشفنه بس الموت
قريتك بس حروب من اول المشوار

كلت ابن الشمس بس مو جهنم هيج
يمر صيف انتقام من البشر لو ثار

واكف كلشي بيك وكهرباءك موت
وأله الله الفقير العايش بنص غار




يامهند يالربيعي
بداية ارحب بك في منتداك وبين اخوانك عزيزي
وحبيت اكولك الصوج مو صوج الوطن
صوج التلاعب بيه وزرع بيه الألم
الوطن هو العرض والناموس
والله ينتقم من الي رسم على وجهه الحزن والموت

قصيدة ألم أثرت في نفسي كثيرا
واحزنت الروح والفؤاد
ساعد الله قلبك وقلب كل عراقي عانى ولازال يعاني

واسأل الله العلي العظيم ان يكشف هذه الغمة عن ارض الأنبياء والأولياء
وأن غدا لناظره قريب

عاشت ايدك وسلم لنا هذا المداد والروح العراقية الاصيلة
تقبل مروري وعذرا لمداخلتي

اختي الغاليه ام فيصل من منا لايحب الوطن ولكن المشكله فيمن حكمو هذه الارض الطاهره
وسلبوها كافة الحقوق