عايش غريب...زهير العقابي
ادك بين الضلع بسمار
اعلك بيه تصاويرك...
وطش تيزاب يعمي العين
اخافن تنظر الغيرك...
اشكثر عاشرنا حلو اطباع
لجن ما نكص تقديرك...
ولو مره اهد روحي
جا روحي اجت مهظومه تشكيلك...
مو تدري الكلب انته
وشرايين الكلب تدري شرايينك...
مو تدري الفكر انته
وتفكير العقل يفلان تفكيرك...
شسولف كلي ياقصه
وعن ظيم الكلب يفلان شحجيلك...
اسولفلك على الغربه
وعيني البلهجر ظلت ترابيلك...
اذكرك..خل اذكرك
اذكرك من برد ليلك
مو جلماتي الجانت تدفيلك...
اذكرك من نزل دمعك
موش انه الجنت يفلان اغنيلك...
اذكرك من جفاك النوم
موش ازنزودي الجانت تلوليلك...
اذكرك لو جعت مره
مو من لحمي جنت اكطع واوديلك...
وجفيت وبقت روحي بنار
لمن ضكت هاي النار رجعلي....شسويلك...
خلي انعيش بالذكرى
وادكلك بالكلب بسمار اعلك بيه تصاويرك...
(( بقلمـــي / زهير العقــابي ))
رد مع اقتباس
