ابوذيات خرافـــــــــــــــية

[شاكر الهلالي]

الك ياصاح ماظل مني خاطـــــر

واحسبه حساب دربك من اخاطر
تعال إكـَرب حبيبي مني خاطــــــر
تعرف اجنون حبك سرت بيه

حبيبي الشكر انته بــستكاني
جميل انته ومرتب بستكاني
اظن مرة بحياتي بســتكاني
وظل الهه اثر ليهسه بيه

الدهر وياي سوه اللي يريـــــــــده
ونخلة الروح ظلت بس يريده
اخوي الزامطت بسمه يريده ( ما افتهم المقصود
ونخى الشمات من هدو عليه

اريد اكضي توالي العمر هايوم
على الصاحت بتالي الليل هايوم
ها موت بــــسبع تــــــيام هايوم
ها كبل الفجر يسرون بيه

انتهينا وايست منك وضـــــعنه
وكل واحد مشه بدربه وضعنه
انتهينه وياك واتبدل وضـــــعنه
امأيس واغسلت منك اديه

اجزعت من الصبر روحي وملت
اهموم احصدت بالدنيا ومــــــــلت
بنيران الفضا اتجوت ومــــــــــلت
الجزع صاحت من الهم والاذيه

العاذل غير اطباعك ولاشــــــــــاك
وتخاصمنا وصرت خصمي ولاشاك
الذهب غيرك على احبابك ولاشاك
وخصام انكلب كل ودك عليه

يباري المرض هد حيلي وهدني
ولايوم ابــــتعد عـــــــني وهدني
ارشدني الرحمتك يارب وهدني
طريح افراش والعله خفيه

بعد هيهات اولـــــــــمهم وراهم
عجاج الظعن عن عيني وراهم
جفوني وظلت اعيوني وراهم
شبحت وافرك براحات اديه

الواحد ما يصير اثــنين بالقيد
ولا عندي حجي العذال بالقيد
دخيل اليسروه للـــــشام بالقيد
يلين المايحن كلبه عليه

صحت الغوث من دنياي وناس
منهم ماشــــفت بالكدر وناس
هذا الكطع ذاك الغفل وناس
استغيث بخالقي رب البريه

:
مـ نـــ قـــول الامانه

شكرا لك عالاختيار الحلو

وتم التعديل من قبلي من رخصتك طبعا

لتكون سهلة النطق باللسان وتقبل تحياتي .