فراتيه مع ايقاف التنفيذ..زهير العقابي

*************************

كيف هي اله الرقه
اما علمت بما حل بي..؟؟
الا يؤلمها قحول صحرائي..؟؟
.......
كالولي عنك حجي يكسر ظهر رمضان
ولهذا السبب الشهر ماصومه..
وكالولي انك جبل مليان بالوديان
وجروح اليعرفك بيك ملجومه..
وكالولي ذيب الطبع ويشابه الغزلان

وملامح للقساوه بروحه مروسمه..
وكالولي كلشي خسر ويمثل الربحان

يتباهى بغروره ونفسه مهزومه..
وكالولي وكلت موبيدي اظل ولهان
كلت انه اليلوم الروح مالومه..
رددت الاغاني وكثرت الالحان
وتظل غنوة احبك ليش مفهومه..
وماهمني الحجي ولا غرني يوم انسان
لان روحي التحب بالمحب متهومه..
يا كل غايتي صدكيني اظل تعبان
وروح الماحظت بهواج محرومه..

(( بقلمـــي / زهير العقــابي ))