حبكم مصلحة...مو لله حبكم !!

[الشاعر جلال البطاط]

((حبكم مصلحة))

أنهّ العندي كَلب

ماصار بالناس!

ولا يحصل

مثل دمعي..

أعلة خدكم!

جنت شمعة

أذوبن..

رقة

وإحساس

كَضيت العمر

بس اضوي

أبدربكم!

حملت أهموم

كلها

أتشيب الراس!

كَلبي

اللي حملها..

مو كَلبكم!

ولأن طبعي ألوفة

وامتلك نوماس!

زماني الفات

ما والم زمنكم!

جس الروح ميتة

وما مش أنفاس!

وأفز بشوَك

بس اسمع

بأسمكم!

انهّ الجنت أقطر

الدمع بالكاس!

وإذا جف الوكت

صارن شربكم!

بيك الغدر

ماحسبت ينقاس!

اثأري مصلحة!!

مو لله حبكم!!

غم هيجي وكت

بيه ألوفة انداس!

وطعنات الغدر!!

صارن طبعكم!!

*******

الشاعر

جلال البطاط

غير مبروء الذمة كل من نقل القصيدة دون ذكر الاسم