ابوذيات خرافـــــــــــــــية
واحسبه حساب دربك من اخاطر
تعال كرب حبيبي مني خاطــــــر
تعرف اجنون حبك اشسوة بيه
حبيبي الشكر انته بــستكاني
جميل وكلك مرتب بستكاني
اظن مرة بحياتي بســتكاني
وظل الها اثر ليهسا بيه
الدهر وياي اللي يريـــــــــده
بنخلة الروح ظلت بس يريده
اخوي الزامطت بسمه يريده
ونخى الشمات من هدو عليه
اريد اكضي توالي العمر هايوم
على الصاحت بتالي الليل هايوم
ها اموت بــــسبع تــــــيام هايوم
ها كبل الفجر يسرون بيه
انتهينا وايست منك وضـــــعنه
وكل واحد مشه بدربه وضعنه
كضه وياك واتبدل وضـــــعنه
امئيس واغسلت منك اديه
اجزعت من الصبر روحي وملت
اهموم احصدت بالدنيا ومــــــــلت
بنيران الفضا اتجوت ومــــــــــلت
الجزع صاحت من الهم والاذيه
العاذل غير اطباعك ولاشــــــــــاك
وتخاصمنا وصرت خسمي ولاشاك
الذهب غيرك على احبابك ولاشاك
وخصام انكلب كل ودك عليه
يباري المرض هد حيلي وهدني
ولايوم ابــــتعد عـــــــني وهدني
ارشدني الرحمتك يارب وهدني
طريح افراش والعله خفيه
بعد هيهات اولـــــــــمهم وراهم
عجاج الظعن عن عيني وراهم
جفوني وظلت اعيوني وراهم
احشبحه او افراك براحات اديه
الواحد ما يصير اثــنين بالقيد
ولا عندي حجي العذال بالقيد
دخيل اليسروه للـــــشام بالقيد
يلين المايحن كلبه عليه
صحت الغوث من دنياي وناس
منهم ماشــــفت بالكدر وناس
هذا الكطع ذاك الغفل وناس
استغيث بخالقي رب البريه
مـ نـــ قـــول الامانه
رد مع اقتباس
المشاركة الأصلية كتبت بواسطة امير الربيعي
