رد شخص على قصيده الشاعر المبدع نائل مضفر (يسألني الصحفي )
هذه قصيدة رائعه جدا ( يسألني الصحفي ) للشاعر العراقي نائل مظفر
إليكم القصيده للشاعر المبدع نائل مظفر
يسألني الصحفي الأوربي ؟؟ ماإحساسك..
وأنته الان بنص أوربا في قمة عصر التقنية
ماإحساسك..
وأنته أتباوع وجه الصحفي أبيض من صدر الصحفيه
ماإحساسك..
لو عندك حاسوب وإنترنيت وتراسل باللكترون
ومتحس بغربة
وحنية تلفازك عبر الأقمار يطلع وجه أُمك يومية
ماإحساسك..
لو فتحت قلبك والحصوة بالليزر يداون كلهن
وماتحتاج لأي عملية
ماإحساسك..
لو بليزر محو أمراضك اسهل من محو الأمية
ماإحساسك..
لو ردت وليد إيشيل إسمك تاخذ بنتك للمستشفى وتحورهن رمانات..!!
حتى الولد إيصير إبنيه
ماإحساسك..
لو عالغيم أتعلك شقتك والنجمة
أطب من نافذتك وتبات بحضنك ليليه..
إحساسي أتلفظه بأنفاسك
من أني أسال وأنته إتجاوب ماإحساسك..
ماإحساسك ..
لو يتبدل حالك حالي
وناسك ناسي
وناسي بناسك..
ماإحساسك..
لو تنسى شققك الجوية
ماإحساسك..
لو تصبح أكثر شعبية
ماإحساسك..
لو تكعد بالحيانية
ماإحساسك.؟؟
لو كل ساعة مأجر غرفة
ونكله لم إجوالاتك يومية
لا من شغلة ولا يومية
وضلت بجيوبك بس مية
ماإحساسك ..
بيش إتجيبون الكمية
ماإحساسك ..
لو صوبتكم ماتتعله
ولا تتنصه
ولا تتطفه
إلا إتبخ فوكاها ميه
ماإحساسك..
لو وكتك ضكك فد نوبه
تداين خبزات وروبة
وخبز وروبة وخبز ..
وافرض جيرانك ضكتك خويه إنريد إفلوس الروبة
مااحساسك..
من تضطر إتبيع الصوبة
مااحساسك..
من تفتر بسوك الجمعة
وشايلك من بيتك سلعة
عمي بتسعة عمي إتوكل بالله بسبعة شايف خير وتستاهلها سلعت بيتي إبيتك خلها
ومن يكعد يحسب بفلوسك
ويه كل ورقه إتنزل دمعه
مااحساسك..
لو يوم تخلص كميتك
والجوع يلوج إبزريتك
تبجي دموعك تبجي أُعيونك
بجيك مايترس صينيتك
أتكوم تدعي وأنته إتصلي بصدق نيتك يارب ياريتك..
ترحمنا يارب ياريتك..
تنصرنا يارب ياريتك.. ياريتك ..ياريتك..
والصاروخ إيطيح إبيتك
ماإحساسك..
لو نص ابنك طك براسك
مااحساسك..
لو كتلك أترك أحزانك
حس بشعبك وبجيرانك
ماإحساسك..
لو عينك شافت بنتين بعمر الخمسة
وست إسنين رادن يمشن
رادن مرة بلعبة يركضن بس ماكدرن
متعوقات بلا رجلين
إتخيل عدهن رجلين ويلعبن حليه براسك ماإحساسك
ماإحساسك..
لو مريت بسوك وبت كالتلك بابا جوعانه
بابا جوعانه
جوعانه تكسر قلبك
أتكوم إتمد إيدك بجيوبك
تلزم فخاذك ماكو إبطانه
وثكل الدمعة ينزل راسك
مو للكاع
لشفت بنتك إنقهرت كلش باستك مالازم بابا وندمانه
تسمع صوت إيصيح إدفعلي
وصوت الثاني أيكلك أنه
لا أنه
وأنه لا انه وتباوع كلهم ديانه
أشرف واحد بالديانه
أجسر ومد إيده بجيبك وبس رجليك العريانه
ماكو إبطانه
طلع إيده راح الاول
راح الثالث
راح الخامس
ماإحساسك..
فخاذك يعلن عن إفلاسك
ماإحساسك..
لو راسك بيه لعب الشيطان وبقلبك قل الإيمان
شنهي هالعيشه خوف وذلة
وظلم وحرب وجوع
ودربك ماتكدر تندله
وماتملك بالدنيا جكارة
هم حاسب نفسك إنسان
سويلك يمعود جارة
إتكوم أتصيح ياشيطان.. ياشيطان..
بس عندالله إهناك الجارة
بس عندالله إهناك الجارة
وجيت حدر السيارة
ماإحساسك..
لو كض إبريك وماداسك
ماإحساسك..
لو أني السبب بآلآمك
وجسر وأُوكف كدامك
واجرأ واسأل
ماإحساسك..
ماإحساسك..
ماإحساسك..
إحساسي أتلفظه بأنفاسك
من أني أسأل
وأنته إتجاوب
ماإحساسك.
وهنا الرد الى الشاعر المبدع نائل مظفر
يسألني الصحفي
يسألك ماإحساسك؟
وأنت تكوله ،،
كون أني أكوله...
واني أسألك شنو إحساسك
ياأُستاذي
جان تكلة لاتسأل عن الإحساس..
لأنه مات بينا ومايصحا لو دكيت
بأذانة إجراس
وصار الأخ يبيع اخو يقبض حكة من الدولارات
ويمشي عنه
لا ونه ولا دمعه
ويرجع بيدة يشتري ذبحه
وضميرة يشخر ومايصحى
لوشافه مذبوح بفاس
فشلون يسألك عن الإحساس؟
حتى الكاع صارت تشكي
بعناها بسوك النخاس
بعد ماجانت معزوزة
وحتى تربتها تنبـــاس
وجانت تقصدها الأقوام بيها
الكيلاني والعباس
هاذي أرضنا عرضنا
صرنا نصفك مـن تنداس
فلايسألك عن الإحساس
ولايسأل عن خوتنا
صرنا طوائف وأجناس
عربي وكردي وشيعي وسني
وماندري منو الأساس
وصار العجمي هو الاصل
وكرهونا بأبن الوقاص
وشكد العجة تذب تراب بينا
بكل ذرة جساس
فياعمي أي إحساس
روح وعاين كل مستشفى تلكى الجثث
عدنا أكداس
وما بيها العدل لو أيد لو رجل
لو جثة مكطوعة راس
والدم عدنا نهر لاعرضة نعرف ولاطولة
ولا بعد ينقاس
شتلحك تجفن بعد مو حتى اللحم البيها خاس
وهم يسألك عن الإحساس؟؟
والوالي كاظيها طرب
مشغول بسعر الألماس
وين يبني القصور
بسويسرا لو بشرم الشيخ
يبوك أكلنا من الصحن
ويدعي جيوبه أ فلاس
لاحزن مربيه أبد
ولاحر لجلدهم جاس
حيرته وين السهر
وين اليوم يملي الكاس
فمنين نجيب الإحساس
المعدن لو صدأ ينظف مثل ماتصقل النحاس
يطلع يلمع مثل الأول ويرن بدين السواس
لكن قلوبنا تصدت ماتنظف لاترجه منها إلتماس
وصرنا بقايمة الفساد وجنا للشرف نبراس
فلاتسأل عن الإحساس
إذا شي عدنا وأنفقد شلون؟
يعني نروح نستجدي الإحساس؟
م ن ق
رد مع اقتباس
