اذا انكر محبتي شلون اخفي الشوگ
الى : هيَ
اذا انكر محبتي شلون اخفي الشـوگ
واذا اظـل بوحدتــي شــلون اگضيهــا
اتمنــى حبيبــي تظــل فــوگ وفــوگ
وأنا دموعــي عن عيونــك اخبيهـــــا
ابتســامه لغير ثغرك ما اظــن تلــوگ
لان خــدك يبــو شــــامه محليهـــــا
لو تنبـــاع روح وتنشــرى بالســوگ
ألف روح لحضرتــك كنــت أشـــريها
واظـن بعـض القوافـي تنظـلم بحلوگ
واكـو بعـض البشــر حاير شــحاچيها
شســوي للشــبع وبحجة التاضـــوگ
وشســوي للتجــرب المـــوت بيديهــا
شسوي للزمن لو صار مني يــبــوگ
ويعطـــي للتشـــخبط كــاس يعطيهـــا
مثلــي من يحبــك فتــش الطــــاروگ
يا طـــاروگ روحــي وزود مغليهــــا
عنـد يونس الك ماتنهضـم احگــوگ
اخــذ حگـوگ روحي ان كنت تبغيهـا
احبــك ثم احبــك ثم احبــك بــــــــوگ
بــوگ النــوم مــن عينـي وخليهــــــا
اذا انكر محبتي شلون اخفي الشـوگ
واذا اظـل بوحدتــي شــلون اگضيهــا
الكناري
يونس الجبوري
26/6/2010
رد مع اقتباس